Törkiä xalıqara ölkädäge aktiv eşçänlegen däwam itterä. Aprel axırında Ankarada Äfğanstan däwlät başlığı Hamid Karzai häm Paqıstan ilbaşı Pervez Müşerref oçraşu ütkäräçäk. Yuğarı däräcäle oçraşunıñ ütkärelüe teläge Törkiä tışqı eşlär ministrı Abdullah Gülneñ Paqıstan häm Äfğanstan säfärläre waqıtında Karzai tarafınnan belderelgän ide. Oçraşuda Äfğanstan belän Paqıstan arasında terrorçılıq belän köräş mäs’äläsendäge problemalar quzğatılaçaq.
