Başqortstan xalıqları Assambleyäse tatar mänfäğätläre uñayınnan möräcäğät belän çıqtı. Ul 24nçe martta Qazanda uzğan Federal' milli-mädäni moxtäriät konferensiasendä qabul itelgän “Başqortostan tatarları xäle turında” möräcäğät uñayınnan. Qazanda qabul itelgän ul doqumentta 2002nçe yılda uzğan xalıq sanın alularda tatarlarğa basım buluı, tatar mäktäpläreneñ başqort mäktäbenä äyländerülär, Başqortstan tatarları milli-mädäni moxtäriäteneñ terkälä almawı häm başqa küp kenä tatar mänfäğätläre bozılu telgä alınğan ide. Assambleyä qabul itkän doqumentta isä bolarnıñ döreslekkä turı kilmäwe äytelgän.
