Accessibility links

Кайнар хәбәр

Udmurtiä cırçıları TNVnıñ «Cırlıyq äle» tapşıruında qatnaşaçaq


Udmurtiä başqalası İjaw qalasınıñ «Spartak» xalıq icatı yortına düşämbe irtän şähärdäge här sänğät kollektivınnan cırçılar cıyıldı. Monıñ säbäbe dä bik citdi. «Tatarstan «Yaña ğasır» televizion proyektınıñ «Cırlıyq äle» programmasında qatnaşu öçen saylap alu turı bulaçaq.

İjawlılarnıñ köndäşläre dä bilgele — Ul'yanovskiy şähäre häwäskärläre. Cırçılarnıñ kübese tanılğan artistlar repertuarınnan estrada cırların äzerläp kilgän. Ämma proekta qatnaşu öçen berençe cırnı bayanğa quşılıp başqarırğa kiräklege açıqlanğaç, qayseber cırçılar yuğalıp ta qaldı. Kübese säxnädän bayan belän cırlawnı xuplamıy, ikençedän, osta bayançılar da yuq. Ämma inde säxnädä berniqädär täcribäse buluçılar häm Qazannan kilgän belgeç, «Cırlıyq äle» proyektınıñ avtorı Näcip Bädretdinov sorawı buyınça, a`capello cırladılar. Saylap alu turında 20-läp başqaruçı qatnaştı, alarnıñ altısı ğına Qazanda Ul'yanovskiy cırçıları belän yarışaçaq.

Udmurtiä cırçılarınıñ başqaru ostalığına «Cırlıyq äle» proyektınıñ avtorı Näcip Bädretdinov yaxşı bäyä birde.

«Şuşındıy bäygelärdä Arça pedagogika kölliätendä uqığanda yış qatnaşa idem, İjawğa kilep eşli başlağaç, şuşındıy yarışlarsız tormışım tössez qaldı şikelle, şuña da «Cırlıyk äle» proyektında qatnaşırğa buldım, dip urtaqlaştı Ence Äxmätcanova.

Anıñ señlese Läysän Zaripova da bu proektta üzen sınap qararğa ğına telämi, ciñü yawlarğa niäte.

İjaw yegete İl'fat Äglämcanov keçkenädän tatar moñına ğaşıyq. Üze dä cırlar icat itä. Bäygedä şundıy cırlarınıñ bersen tamaşaçığa täqdim itärgä dä niäte yuq tügel.

İrek Möxämmätcanov şuşındıy proektta qatnaşıp, üzebezne dä kürsätä alırbız, başqalarnı da tıñlap qaytırbız dip basım yasadı.

Xämidä Ğayfullina, Udmurtiä

XS
SM
MD
LG