Accessibility links

җомга, 9 декабрь 2016, Казан вакыты 12:53

Yamğırlı köndär źur fajiğälärgä kilterźe


Dürtöylö-Börö passajir avtobusı avariyağa osrağan. Bıl turala İnterfaks xäbär itä. Agentlıq yaźıuınsa, yäkşämbe, yamğır aśtında avtobus tayıp kitä häm kyuvetqa osop äylänä. Vaqiğa Şişmä qasabahına yaqın urında terkälä. PAZ avtobusı salonındağı 24 passajirźıñ 3-hö törlö tän yäräxättär alğan, ular dauaxanağa oźatılğan, tip xäbär itä İnterfaks. 23 apreldän 29–ına tiklem bar donyala Berläşkän Millättär Oyoşmahı tarafınan iğlan itelgän Yul xäräkäte xäüefheźlege aźnalığı ütä. Bıl aźnala balalar qatnaşlığındağı yul–transport fajiğäläre hanın kämeteügä yünältelgän saralar uźğarılasaq. Berläşkän Millätätär Oyoşmahı mäğlümättärenä yaraşlı, yul häläkättärendäge ülem osraqtarınıñ 40 protsentı 25 yäşkä tiklemge yäştärgä tura kilä. 5 yäştän alıp 25 yäşkä tiklemge yäştär häm balalar arahındağı ülemdeñ säbäbe yulda alınğan yäräxättär. Başqortostanda la bıl mäsälä könüźäk qala, tip äytelde Başinform ağentlığında ütkän matbuğat qonferentsiyahında. Bında aźnalıqqa arnalğan tüñäräk öśtäl ütte. Yul xäräkäte xäüefheźlege däülät inspektsiyahı idaralığı wäkildäre äyteüensä, yıl da respubliqala yul xäräkäte xäüefheźlege qağiźälärenä bäyle 1 million yarımğa yaqın fajiğäle osraq terkälä. Bıl Başqortostanda yäşäüse här ösönsö keşe yul qağiźälären ütämäy tigän hüź. Yıl başınan respublikala 800–źän aşıu yul–transport fajiğähe terkälgän. Belgestär äyteüensä, grajdandarźı yul xäüefheźlegenä bäyle möhim mäsälälär häm problemalar menä tanıştırau käräk. Aźnalıqtıñ töp maqsatı şunday. Respublikala yuldar, trotuarźarźıñ xäüefheźlek talaptarına yauap bireüe, mäktäp häm balalar baqsaları yanında yul xäräkäten oyoştorou buyınsa tikşereüźär ütäsäk, ğaraj kooperativtarında häm avtomobildär quyıu urındarında voditeldär menän profilaktik äñgämälär ütkäreü źä qaralğan.

Uźğan yal köndärendä yauğan tuqtauhıź yamğırźar arqahında Eyänsura rayonında 20-nän aşıu auıl ölöşlätä hıu esendä qalğan, dürt küper yıuılğan, 8 küper emerelgän. Köslö yamğır bäläkäy yılğalarźıñ da taşıuına kilterä. Mäśälän, Öśkälek buyındağı Ömbät, Muynaq auıldarın bığa tiklem ber qasan da hıu baśmağan. Yoma kiske altılar tirähendä küperźärgä ağastar tığılıp yarğa yaqın ultırğan öyźärgä qapıl hıu sığa başlay. Vaqıtında kürelgän saralar höźömtähendä źur zıyan kürelmäy. Bikbau auıl xaqimiäte belgese Gölfiä Qaźaqbaewa äyteüensä, Kese Žüräm yılğahı taşıp biş auılğa hıu ingän.

XS
SM
MD
LG