Accessibility links

җомга, 9 декабрь 2016, Казан вакыты 12:50

Samarda uzaçaq Yewropa Berlege - Rusiä sammitınä nindi ömetlär bağlana?


Yewropa Berlege yuğarı räsmiläre, kiläçäk ay bulaçaq Rusiä-Yewropa- Berlege samitı Polshadan it kertünü tıyğan Rusiä belän problemnarnı beterä alır dip belderde. Älege çikläwlär näticäsendä Polsha, Mäskäwneñ yewropa belän xezmättäşlek söyläşüläre alıp baruına kirtä salğan ide. Samarda ütäçäk zur cıyınğa äzerlek nindi şartlarda bara?

Luxembourg: Samarada uzaçaq Yewropa Berlege-Rusiä samitı, 18nçe mayğa belgelände.

Düşämbe kön Luksemburgda, Yewropa Berlegeneñ tışqı säyäsäte başlığı Javier Solana, Rusiäneñ tışqı eşlär minıstrı Sergey Lavrov belän söyläşü waqıtında, bulaçaq samitnıñ älege kiyerenkilekne çişä alaçağanına ömetlängänen äytkän ide.

“Bez, Rusiä belän Yewropa Berlege arasında sammittä bulaçaq säyläşülär näticäsendä yaña kileşülär tözärbez digän ömetebez äle üz köçendä. Bu bezneñ maqsat, häm bez Rusiäneñ dä şul maqsatta buluına ışanıp qalabız.”

Şulay da yewropanıñ ul ömete, Kıprısta uzğan Yewropa Berlege häm Rusiä arasında yuğarı däräcädäge söyläşülärdä sürelde. Atna axırında bulğan söyläşülärdä, Polsha tawarların tıyu qararın üzgärterlek kileşügä ireşelmäde,

Yewropa Berlegeneñ näwbättäge citäkçese Almanyanıñ Tışqı eşlär minıstrı Walter Steainmeier, Düşämbe kön wafat bulğan Boris Yeltsinneñ süzlären iskä alıp, ul başlatqan yaqınayu säyäsäte, it bazarı mäsälälärenä birelüdäñ tagın da ähämmiätleräk mäsälä dip belderde.

Yewropa belän Rusiä arasındağı ağımdağı xezmättäşlek kileşüläre, ägär taraflar baş tartmasa, tağın ber yılğa ozatılaçaq. Läkin ike arada stratagik kileşülärneñ bulmawı, ike yaq öçen dä zur yuğaltu bulıp qala.

Şulayda Yewropa belän Rusiä arasındağı mönäsäbätlär könnäñ kön salqınaya bara. Mäskäw häm St Pitirburda, 10 kön elek bulğan qarşılıq çaralarının köç qullanıp tarqatıluı, yewropa buylap Yewropa komissiäsendä häm Almanyada zur tawış quptardı häm bu xälgä borçılu oyattı.

Lavrov älege bastıru çaraların, qanunğa qarşı çıqqan keşelärne tuqtatu dip aqlandı. Xättä bu xällär yewropada da küzätelä dide, Lavrov. Bu belderügä Yewropa Berlege äğzalarınnañ cäwap älegä yuq.

Lavrov keşe xoquqları xaqında süz çıqqaç Yewropanıñ Latvia häm Estoniadağı Rus telle keşelärgä qarşı mönäsäbätne üzgärtä almawına rizasızlıq belderde.
XS
SM
MD
LG