Accessibility links

Кайнар хәбәр

Tähran Yewropa Berlege belän söyläşülärne Törkiyädä däwam itä


İran wä Yewropa Berlege bügen atom programması tiräsendäge çıqqan qarşılıqlar xaqında söyläşü öçen Törkiyä başqalası Anqärada oçraşa. Söyläşügä Yewropanın tışqı säyäsät başlığı Javier Solana häm Irannıñ Milli iminlek şurası sekretare Ali Laricani qatnaşa.

İrannın qarşılıq tudırğan atom programmasın tuqtatu öçen BM tarafınnañ törle kisätülärdäñ soñ Mart ayında çikläwlärlär kertelgän ide. Laricani belän Solana, älege problemanı çişär öçen yañadañ kilüşü başlaw mömkençeleklären qarayaçaq.

İran, uran bayutu eşçänlegen tınıç maqsatlar öçen, energiä citeştürüdä qullanaçağın häm moña xaqı bulğanıñ tuqıp äytsä dä, könbatış İranıñ monı xärbi maqsatlarda qullana alaçağına borçılu belderä.

Düşämbe könne İran prezidentı, Mäxmüd Äxmädinicat üz süzen qabatlap, İrannıñ atom programmasın däwam itteräçägen äytte. Läkin ul şulay da Laricani belän Solana arasında söyläşülärneñ faydalı bulaçağın häm añlaşuğa kitäräçägenä ışanğanın belderde.

“Irannıñ Milli iminlek şurası sekretare Ali Laricani häm Solana söyläşüläreneñ faydalı bulaçağına häm mäsälälärne yaqtırtuına, qanuni wä döres sözemtägä kiteräçägenä ışanam. Alğa taba problemalar çişeler häm törle ölkädäge xizmättäşlegebezne däwam ittererbez “

İrannıñ üzeñ yaqlawı häm başlağan atom programmadañ baş tartmıyaçağı älege oçraşuda kileşü ömeten kimitä. Düşämbe könge oçraşu näticälere turında fikerläre soralğan, Britaniä Tışqı eşlär minıstırı, Margerrette Backet, bik ömet kürmäwen belderde.

Şulayda qaysı ber analistlar, misal öçen Jenevädäge bulğan İmenlek säyäsäte üzäge başlığı Shahram Chubin, İran tarafınnıñ bügelüçänlek kürsätüenä ışana.

AQŞ İrannı üz köçendä totarğa teli, bu barıt tik uran bayıtu mäsäläsenä genä tügel, Ğiraq kebek töbäktäge mäsälälärgä dä bäyle.Minem uylawımça İranlılar isä, İminlek şurası üz qararları häm belderüläre belän, İranğa kinättän tıqşına başlawların kürde, kire qaytuı awır buğan xäl eçenä kirülären ağladı. Könbatışqa cäwap itep, sänäğäte külämdä uran bayutını başlatqanın kürsätte. Monıñ belän İran “ Menä qarağız, bezdä bu köç bar häm bezgä bu köç kiräk, läkin monı artturu xaqında kileşä alabız dip äytergä tile.”

Mart ayında çikläwlär kertelgännäñ soñ Bu oçraşu Ali Laracani belän Solana arasında birençe oçraşu bulaçaq.

İran belän zur külämdä säwdä bäyläneşläre bulğan Yevropa Illere , bigräk tä Almanya, BM kertkän çikläwlärge qanägätsezlek belderä. İran belän säwdä mönäsäbätlären yuğaltırğa tilämägän Yewropa älege oçraşu waqıtında nindider uñay näticä tabarğa ömetlänä.

M.K.
XS
SM
MD
LG