Wäkillär pulatı pänceşämbegä qarşı töndä qabul itkän maxsus qanunda, amerikan xärbiläreneñ Ğiraq häm Äfğanstandağı ğäskäri operatsiäläre öçen prezident Bush sorağança, östämä 124 milliard dollar birü qaralsa da, anda Aq yort xucası telämägän ber caysız taläp bar - şuşı yılnıñ üktäbrennän başlap amerikan ğäskärläre Ğiraqtan çığa başlarğa tieş. Qanunda qaralğan östämä aqça alarğa sintäbr azağına qädär genä birelä.
Demokratlar östenlek itkän Wäkillär pulatında monı 218 deputat yaqladı, 208-e qarşı buldı. Senat şuşı qanunnı atna azağında qarar dip kötelä.
Demokratlarnıñ ni öçen şulay tawış birergä buluın pulatnıñ citäkçese Nancy Pelosi bolay añlata:
"Bezneñ qorallı köçlärne çamadan tış kierenke şartlarğa quyıp bu suğış alarnıñ amerikan xalqın tieşle däräcädä saqlaw säläten kimetä. Amerikannar tormışın iminräk itäse urınğa Ğiraq suğışı alarnı xalıqara terror yanawınnan saqlawnı köçsezländerde", dip añlata demokratlarnıñ Ğiraqtan kitüne yaqlawın Wäkillär pulatı citäkçese Nancy Pelosi.
Pelosi xäzer prezident Bushnı Kongress qabul itkän qanunnı imzalarğa öndi, häm şunnan soñ inde bez iğtibarnı amerikan xalqına yanağan çın qurqınıç - terrorğa qarşı suğışqa birä alabız, di.
Demokratlar üzläreneñ ğäskärlärne Ğiraqtan çığaru könen bilgeläw telägen cämäğätçelek fikeren beleşü näticälärenä nigezlänep yaqlıy. NBC News häm Wall Street Journal bergäläşep ütkärgän şundıy fiker beleşülärneñ soñğısında, misal öçen, 56 protsent xalıq ğäskär çığaru öçen waqıtnı inde bilgelärgä kiräk, dip belderä. Fikere soraşqannarnıñ 37 protsentı isä bu mäs''älädä prezident Bushnı yaqlıy, yäğni amerikan xärbilären Ğiraqtan çığaru waqıtın bilgeläw äle irtäräk dip isäpli.
Wäkillär pulatındağı respublikan azçılıqnıñ citäkçese John Boehner şundıy fikerdä toruçılarnıñ berse:
"Bez Ğiraqtan çığıp kitä alabız, elegräk Libannan, Vietnamnan, Somaliädän kitkän kebek çığıp kitä alabız. Häm bez anda xaos qaldıraçaqbız", dip kisätä, ğäskärlärne Ğiraqtan aşığıp çığarunıñ tiskäre näticälärgä kiterä aluı xaqında respublikan John Boehner.
Prezident Bush inde küptännän, demokratlar östenlegendäge Kongressnıñ bu qararına veto salaçağın belderep kilä. Bu oçraqta andağı demokratlar prezident vetosın uzu öçen tieşle sanda tawış cıya almayaçaq.
Kärim Kamal
Demokratlar östenlek itkän Wäkillär pulatında monı 218 deputat yaqladı, 208-e qarşı buldı. Senat şuşı qanunnı atna azağında qarar dip kötelä.
Demokratlarnıñ ni öçen şulay tawış birergä buluın pulatnıñ citäkçese Nancy Pelosi bolay añlata:
"Bezneñ qorallı köçlärne çamadan tış kierenke şartlarğa quyıp bu suğış alarnıñ amerikan xalqın tieşle däräcädä saqlaw säläten kimetä. Amerikannar tormışın iminräk itäse urınğa Ğiraq suğışı alarnı xalıqara terror yanawınnan saqlawnı köçsezländerde", dip añlata demokratlarnıñ Ğiraqtan kitüne yaqlawın Wäkillär pulatı citäkçese Nancy Pelosi.
Pelosi xäzer prezident Bushnı Kongress qabul itkän qanunnı imzalarğa öndi, häm şunnan soñ inde bez iğtibarnı amerikan xalqına yanağan çın qurqınıç - terrorğa qarşı suğışqa birä alabız, di.
Demokratlar üzläreneñ ğäskärlärne Ğiraqtan çığaru könen bilgeläw telägen cämäğätçelek fikeren beleşü näticälärenä nigezlänep yaqlıy. NBC News häm Wall Street Journal bergäläşep ütkärgän şundıy fiker beleşülärneñ soñğısında, misal öçen, 56 protsent xalıq ğäskär çığaru öçen waqıtnı inde bilgelärgä kiräk, dip belderä. Fikere soraşqannarnıñ 37 protsentı isä bu mäs''älädä prezident Bushnı yaqlıy, yäğni amerikan xärbilären Ğiraqtan çığaru waqıtın bilgeläw äle irtäräk dip isäpli.
Wäkillär pulatındağı respublikan azçılıqnıñ citäkçese John Boehner şundıy fikerdä toruçılarnıñ berse:
"Bez Ğiraqtan çığıp kitä alabız, elegräk Libannan, Vietnamnan, Somaliädän kitkän kebek çığıp kitä alabız. Häm bez anda xaos qaldıraçaqbız", dip kisätä, ğäskärlärne Ğiraqtan aşığıp çığarunıñ tiskäre näticälärgä kiterä aluı xaqında respublikan John Boehner.
Prezident Bush inde küptännän, demokratlar östenlegendäge Kongressnıñ bu qararına veto salaçağın belderep kilä. Bu oçraqta andağı demokratlar prezident vetosın uzu öçen tieşle sanda tawış cıya almayaçaq.
Kärim Kamal