Accessibility links

якшәмбе, 11 декабрь 2016, Казан вакыты 01:35

Açıq mikrofon: Yaxşı yäşär öçen bügen yuğarı belem alu kiräkme?


Mäğärif häm fän ministrı Räis Şäyxleslamov, jurnalistlar belän oçraşqan waqıtta, yuğarı uqu yortın betergän ber genä belgeç tä eşkä kilügä ük yaxşı eşli almıy, anıñ öçen künegü waqıtı, yäğni adaptatsiä kiräk, digän. Annan da qala yäş belgeçlärneñ xezmät xaqları da tübän bulu da alarnıñ qayberläreneñ üzläre saylağan bu eştän kitep, diplomnarın şürlekkä quyıp säwdä häm başqa tarmaqlarğa urnaşuı Rusiädä bügen ğädäti küreneş. Xäzerge köndä yaxşı yäşär öçen yuğarı belem kiräkme?

-Nindi yuğarı belem kiräk inde bügen, urlap yäşäp bula. Xäzer 21 ğasırda belem kiräkmi, böten dönya urlıy da urlıy. Kemgä uqıym inde min? Yurist bulıp eşlim ikän, mäsälän, alarğa un meñ tülilär inde. Un meñgä yäşi alammı min?

- Yaxşı yäşär öçen, älbättä, yuğarı belem kiräk inde. Yäşägändä belemsez bernidä eşläp bulmıy inde.Mäsälän, sin yurist ikän, alarğa zakonnarnı belergä kiräk. Belemeñ bulmasa niçek eşliseñ inde? Eştä niçek üzeñne kürsätäseñ?

-Uqımağan keşelärdän berni dä bulmıy inde. Elektän zavodlarğa eşkä alğannar,xäzer anda da belemle keşelärne alalar. İdän yuarğa da belem kiräk.

-Yuğarı belem alğan keşeneñ tormışı tağın da yaxşıraq bula. Läkin yuğarı belem almıyça da yaxşı yäşägän keşelär bar.

-Kiräk inde yaxşı yäşär öçen uqırğa.

-Yaxşı yäşär öçen bügen yuğarı belem kiräkmi minemçä. Ni öçen? Yuğar belem ala keşe, eşkä kerä almıy. Minem onığım Veterinar institutnı tämamladı. Qayda barsa da täcribäsez eşkä almıylar. Stajıñ bulmasa ike meñ aqça tülilär inde. Şuña keşelär oxranağa, yäki gruzçik bulıp kerä. Minemçä bügenge köndä yuğarı belem kiräkmi. Başıñ eşläsä, qulıñ eşläsä, qaraqlana belsäñ menä şul.

- Minemçä kiräkter dip uylıym. Üz hönärçelegeñ buınça eşkä alınsañ, sin älege hönär buyınça sıyfatlı belgeç bulırğa tieş, ägär eşeñne tögäl, yaxşı itep alıp barırğa teläsäñ. Yaxşı hönär iäsen här oyışmada dürt qullap qabul itälär. Minemçä yaxşı tormış öçen, şul tormışnı alıp barırğa yuğarı belem kiräk.

Gölnaz Şäyxetdin

XS
SM
MD
LG