Accessibility links

Кайнар хәбәр

Uram cıyınnarın oyıştırunı ğadiläşterü taläp itelä


Ufada comğa könne “Xalıqara standart” dip atalğan bäysez xoquq yaqlaw oyışması bülege jurnalistlar öçen matbuğat oçraşuı oyıştırdı. Anda töp tema bulıp Başqortstanda uram cıyınnarı, mitinglar oyıştırunı cayğa salu mäsälälären tikşerü tordı.

Matbuğat oçraşuın “Xalıqara standart” oyışması räise Konstantin Potnin açtı häm alıp bardı. Anıñ süzlärençä, mitinglar, uram cıyınnarı oyıştıruğa röxsät alu häm alarğa äzerlek täñgälendä Başqortstan qanun çığaruçıları qabul itkän yaña xoquqi-normativ aktlar keşe xoquqları boza. “500 dän kübräk keşe qatnaşaçaq mitinglarğa röxsät alu eşe Başqortstanda şulqädär qatlawlandırıldı ki, xätta andıy cıyınnarnı ütkärü mömkin bulmaslıq xälgä citkerelde, - di Potnin äfände. – Başqortstan xäzer süz iregen, uram cıyınnarın oyıştıru iregen iñ nıq qısqan töbäklärneñ berse bulıp tora”.

“Xalıqara standart” oyışması başlığı şuşı mäsäläne nıqlap tikşerü öçen 20 mayda Ufada “tügäräk östäl” söyläşüe oyıştırılaçağın da äytte. “Anda respublikadağı barlıq partiälär häm oyışmalar wäkilläre çaqırıla, - dide Potnin äfände. - Ul söyläşüdä Başqortstannıñ uram cıyınnarın oyıştıru tärtibe turındağı qanunnarın üzgärtü taläbe quyıla”.

XS
SM
MD
LG