Accessibility links

Кайнар хәбәр

Qazanda Çexiä prezidentı bulıp kitte


Qazan – Bügen Qazanğa räsmi säfär belän Çexiä prezidentı Vaclav Klaus kilde. Hawa alanında anı Tatarstan prezidentı Miñtimer Şäymiev, premier-ministr Röstäm Miñnenxanov, başqa räsmilär qarşı aldı. Çexiä prezidentı belän 40lap şirkät, bank citäkçeläre, Säwdä pulatı wäkilläre kilde. Alar qatnaşında berençe Tatarstan-Çexiä iqtisadi forumı ütte.

Tatar-inform xäbär itüençä, Tatarstan prezidentı Miñtimer Şäymiev, ike il arasındağı bäyläneşlärgä tuqtalıp, Qazanda Gaşek häm Fuçik uramnarı buluın, Çexiädä Tatarstannıñ säwdä wäkillege eşläwen, 300läp keşedän torğan tatar mäxälläse buluın, Azatlıq radiosınıñ Pragada urnaşuın telgä alğan.

Vaclav Klaus Rusiägä atnakiç kilde. Mäskäwdä ul Rusiä prezidentı Vladimir Putin belän oçraştı. Bügen Çexiä prezidentı Qazannan Pragağa qaytıp kitte.
XS
SM
MD
LG