Accessibility links

Кайнар хәбәр

Törkiädä prezident saylawlarında fiker ayırmalıqları


Bu atna axırında İstanbulda, dönyäwi däwlät tarafdarları, parlamenttağı prezident saylawları tiräsendäge mäsälälärgä üz kiçereşlären zur uram cıyınında telgä aldı. Dönyawi däwlät sağında köçle armiä torırğa tieş dip sanağan xalıq kiläse prezidentnıñ, zur öleşe islamçılardan torğan AK partiädäñ buluın telämi. Törek armiäseneñ säyäsätkä tıqşınuın, Yewropa berlege Törkiä demokratiäsendä, köçlär arasındağı ber sınaw dip kürä. Dönyawi däwlät tarafdarlarıneñ saylawlarnı waqıtınnan alda ütkärüne taläp itüe - şunda uq finans bazarlarda da sizelde. Xissälärdäge 8 protsentlıq kimü - ildäge kierenkelekne tagın ber qat arttırdı.

Dönyäwi däwlätçelekneñ distälägän meñ taraftarı, Yäkşämbe kän kiçä İstanbulda uram cıyını oyıştırdı. Premier Räcäp Tayyip Erdoğannı islami däwlät tözärgä cıyunuda ğayeplägän xalıq, Abdullah Gülneñ saylawlardañ çigünüen soradı.

Törek bayraqların bolgağan xalıq, Dönyäwi Däwlät sistemin tözegän berençe Törkiä Prezidentı Atatörekneñ räsemen kütärep qarışılıq çaralarına qatnaştı.

“Bez AK partiägä qarşıbız! Bezr- Atatörek balaları! Şunıñ öçen böten xalıq monda cıyılğan.”

Parlamentta uzğan, Prezident namzäte Abdullah Gül öçen tawış birü ütkän atna Comğa könne buldı, läkin tawış birügä qarşı çıqqan oppozitsiä wäkelläreneñ qatnaşmawı Gül öçen kiräkle tawışnı tämamlanmawı näticäsendä, saylawlar ikençe tur, çarşämbe köngä qaldı.

Şulay da, oppozitsiäneñ comğa könne bulğan tawış birüdä mäcles wäkelläreneñ 3 tän 2 öleşeneñ qatnaşmawın, prezident saylawları öçen citärlek äğzanıñ bulmawın däğwa itkän oppozitsiädäge Cumxuriätçe Xalıq partiäse möräcäğat itkän däğwä Konstitutsion mäxkämäsendä tikşerelä başladı.

Däğwäne raslağan qarar, ildä kiläse 3 ayda, waqıtınnañ alda saylawlarga kitirüe ixtimal. Bulaçaq aararnı mäxkämä 1nçe may könne yäisä çarşämbe irtä belän iğlan itäçäk.

Comğa könne Törkiä Xärbiläre üz süzen äytte.General ştab başlığı, ilneñ dönyäwe sistemasın saqlap qalır öçen üz köçlären salırğa äzer bulğanıñ belderde. Bu mäğnäsesz ber kisätü tügel ide. Distä yıl elek xärbi köç demokratik qisalarda saylanğan islamçı xökümätne yuqqa çığarğan ide.

Bu kisätüegä xökümät süzçese Cämil Çiçek şunda uq cäwap qaytarıp, monıñ demokratik qisalarğa sıymawın açıqladı.

“Bu belderü xökümätkä qarşı ber (naçar) möğamäle dip añlaşıla, hiçşeksez demokratiä şartlarda, bulay feker yörtü säyer xäl. Premier Ministrınıñ cäwaplılığında bulğan General baş ştabınıñ xökümätkä qarşı mondıy belderlär yasawı, demokratik, qanuni ber däwlättä ber niçektä qabul itelerlek xäl tügel.”

Yewropa berlege räsmiläre xökümätne yaqladı. Armiäne säyäsät eşenä kertmäskä çaqırğan Yewropa Berlege räsmiläre, 27 millätle däwlätkä quşılırğa cıyılğan demokratik Törkiyä aldında, bu xälne ber sınaw dip bäyäläde.

Gülneñ xäläl cifeteneñ yawlıqlı buluı häm Gülneñ elekke tıyılğan islamçı partiä äğzäse buluı dönyäwi xäkümät sistemasına qurqınıç tudıra dip farazlana.

Fiker beleşülärgä qarağanda, Erdoğan Törkiäneñ iñ mäşhür säyäsätçese bulıp qala. Häm ul citäkçlägän AK partiäne küplär yaqlıy. Ğömüm saylawlar bulsa da wazğiät küpkä üzgärmiäçäk. Şulay da dönyawi däwlät tarafdarları, prezidentlıqqa namzät turında urtaq fikergä kilü mömkin bulır dip ömetlände dä, älegä bu ömet aqlanmadı.

M.K.
XS
SM
MD
LG