Accessibility links

җомга, 9 декабрь 2016, Казан вакыты 06:57

Federal trassala xäräkät tuqtatıldı


Respublikanıñ könyaq rayondarındağı tau yılğalarında hıu yaylap bulha la qayta başlaha, respublikanıñ ös źur yılğahı Ağiźel, Qariźel häm Dimdä xäldär kirehensä. Ularźa hıu täülegenä 20-50 santimetrğa kütärelä. Taşqındıñ iñ köslö waqıtı bıl yılğalarźa may bayramdarına-7-9-sı mayğa tura kiläsäk tip farazlana. Şuğa la Respublikala taşqınğa qarşı köräşeüse oyoşmalarğa törlö xäldärgä äźer torou käräklege bildälände. Kisä Beloret-Öfö yulında avtomobildär xäräkäte tuqtatıldı. Bäläkäy genä tau yılğahı yuldı tulıhınsa baśqaynı. Şuğa la militsiya xeźmätkärźäre xäräkättte tuqtatırğa qarar itte. Kiskä taban yılğa äźeräk qaytqas, Beloret yağınan kilgän maşinalarğa xäräkät röxsät itelde. Ğäźättän tış xäldär idaralığı Eyänsura rayonındağı xälde lä qatmarlı tip bahalay. Stärletamaq yanında 1 meñ 700 baqsa uçastqahı hıu aśtında qalğan. Qırmıśqalıla-400, Öfönöñ Kirov häm Lenin rayondarında 1 meñ 300 keşe hıu aśtında. Taşqın hıuźarğa bäyle ğäźättän tış xäldär terkälmägän. Bıl turala Ğäźättän tış xäldär idaralığınan xäbär itälär.

Räsäy ğäźättän tış xäldär ministrlığınıñ Başqortostandağı baş idaralığı etäksehe Marat Mähäźiew beldereüensä, huñğı yıldarźa hıuźa batıp üleüselär hanı küpkä kämeüenä qaramaśtan, bıl mäsälä haman da kiśken tora. 2006–sı yılda ğına 283 keşe hıuğa batqan. Bıyıl 4 ay esendä genä 11 osraq terkälgän, şularźıñ ösöhö ülemesle tamamlanğan. Mäğlümättärźän küreneüensä, hıuğa batıp üleü osraqtarınıñ kübehe yäy ayźarında 20 iyundän 10 awğustqa tiklem terkälä. Bıl osorźa hıuźa häläk bulıusılar hanı yöźźän aşıp kitä. Bınday küñelheź xäldär yaramağan urında häm eskän kileç hıuğa kereü arqahında kilep sığa. Ä balalarźıñ batıp üleüendä küp osraqta ata–äsälärźeñ iğtibarhıźlığı ğäyeple.

XS
SM
MD
LG