Accessibility links

пәнҗешәмбе, 8 декабрь 2016, Казан вакыты 23:03

Nail Karabanov: “Mordoviädä yäşäwçe tatarlarnıñ xoquqları qısıla”


Mordoviä respublikasınıñ Lämbrä awılında yäşäwçe tatar yegete Nail Karabanov, maxsus räweştä Qazanğa Azatlıq radiosı studiäsenä kilä. Ul, Mordoviä respublikasında bügenge köndä xökümät häm anıñ mäğärif bülege xezmätkärläreneñ tatar awıllarına qarata naçar mönäsäbättä buluı turında söyli.

Rayonda, awılda fizkul''tura yortları yuq, Stadion “Niva” yuq itelde. Rayon sport mäktäbe ber mäktäpneñ kotel''nıyenda urnaşqan. Lämbrä häm Çirmeş awılları kolxozları taraldı, yullar tözelmi, xalıqqa eş yuq. Muqşı awıllarına federal''nıy aqçadan mäktäplär salındı. Ä tatar awılına -yuq. Başqa millätlärgä qarağanda , tatar awıllarınnan bik az ğına yäş ğailälär ipoteka aşa fatirlar satıp ala alalar.

Çirmeş awılı tatar yegete dokumentların yuğarı uqu yortına tapşırğanda añarğa äytkännär familiäñ Funyaykin bulsa, muqşıça bulsa, alabız, tatar familiäse belän almıybız, digännär,” Bügenge köndä mäktäplärdä tatar tele uqıtılmıy, ul tik tanıştıru- oznakomlenie därese bulıp qına kerä . Elek bezneñ awılda tatar tele däresläre alıp barıluı turında cıyılış waqıtında Mordoviä respublikasınıñ tatar milli- mädäni avtonomiäse räise belderde”,-di ul.

Nail Karabanovnıñ söyläwe buyınça, xakimiät xezmätkärläreneñ tatarlarğa qarata naçar mönäsäbättä buluı, Mordoviädä yäşäwçe tatarlarnı üzläreneñ millätennän häm dinennän baş tartırğa mäcbür itä ikän.

Min komissiä ütkändä ber vraç miña “Bestolkovıy tatarin” dip qıçqırdı. İrek Kasıymoviç üzen İgor Konstantinoviç dip äytterä.

Tatar yegetläre tatarlıqtan xurlanıp dinnären sattılar, krişnait buldılar. Saranskidağı berniçä ğailä ir-balaların sönnätkä birmilär. Xatın- qızlarıbız, eştä alarğa yullar açılsın öçen, urıs, muqşılarğa kiäwgä çığarğa mäcbür bulalar”,- dide Nail Karabanov.

Borın zamannardan uq fälsäfäçelär isbatlawı buyınça da, tormış täcribäsennän çığıp ta , xäzerge zaman ğalimnäre dälilläwe buyınça da, millätneñ nigezen din totıp toruın istän çığarmıyça, tatar xalqınıñ mänfäğät''läre sağında toruçı, Mordoviädä yäşäwçe tatarlar, bügenge köndäge bu küreneşlärne kürep, bik borçılalar. p>

Mälikä Basıyr

XS
SM
MD
LG