Ber 15 yıl çıqqan yuq inde. Anıñ mäğnäse bügen yuq. Bügen demonstratsiä belän xäl itep bulmıy. Bügen aqıl belän xäl itärgä kiräk söyläşep, añlaşıp, yazıp , täqdimnär eşläp, üzeñneñ pozitsiäne kürsätergä kiräk. Demonstratsiädä aqırıp, qıçqırıp. … anıñ buldı inde zamanı , 90 yıllarda , bügen, axrısı , ul zaman tügelder.
Yuq, 1-nçe Mayda min demonstratsiälärgä çıqmadım. Däw äniem yanına barğan idem. Aña bulıştım öy cıyıştırırğa. Bez öy yudıq, idännärne yudıq, ker yudıq, baqçanı cıyıştırdıq.
Demonstratsiägä çıqmadım. Öydä bäyräm ittem. Tämle äyberlär peşerdem. Öçpoçmaklar, pirojkilar peşerdem, yäşel suğan häm yomırqa belän. Änilärne, äbiläremne sıyladım. Bik oşattılar.
Yuq, min äbiem yanına qaytqan idem. Çirmeşän rayonına. Baqçada suğannar utırttıq.
Yuq, bez çıqmadıq. Bez gulyat' ittek.
Bez mäydanğa çıqtıq fatirlarğa, suğa, cılılıq buyınça bäyäläre bik küp bulğanğa. Min elek tüli idem 300-dän artıq sum. Ä xäzer 660 tan artıq. Min pensioner, atqazanğan maşina tözüçese. Pensiäne xäzer 3.800 sum alam. Öç bülmäle fatir. Anıñ 2.400 sumnan artığın kvartirğa tülim. Küpme qala inde qullanırğa? Kötäbez berär yaxşılıq, bälki, bulır berär uñay yağı, dip.
Yuq, demonstratsiägä çıqmadım , yulda buldım, Mäskäwdä. Eşlär belän. Eşmäkärlärgä ireklek kiräk. Çinovniklar tığılmasa, tormış Tatarstanda menä bolay, görläp yäşäp bula. Çinovniklarnı ber 3-4 märtäbä kisärgä. Alarnıñ bit böteneseneñ beleme bar. Üzlären tapsınnar, menä şuşı bügenge köndä.
Çirle keşelär dä bar , moxtac keşelär dä bar. Ägär dä, 80-90% keşe bay bulsa, üze eşläp , üz tamağın üze tuydırsa, 10% qına alarğa yärdäm itep tä bula , alarnıñ da tormışın niçekter köyläp bula. Ä bügenge köndä kiresençä, 10%- bay, ä 90 % -yarlı. Alarnıñ bötenesen aşatırğa, qararğa, kienderergä awır, älbättä.
Yuq min eşlädem. Yuq, yal itmädem. Säudädä eşlim. Böten keşe yal itä, ämma barıber citäkçelär eşlärgä quştılar. Şuña kürä eşlädek.
Mälikä Basıyr
