Accessibility links

шимбә, 3 декабрь 2016, Казан вакыты 16:51

Londonda uzğan Rusiä iqtisadıy forumında Tatarstannan da wäkillär qatnaştı


Aprel' azağında Londonda Rusiä iqtisad forumı bulıp uzğan ide. 10нчы tapqır oyıştırıluçı bu çaranı Rusiä xakimiäte wäkilläre häm iqtisad ölkäsendä eşläwçe citäkçelär ni säbäptänder üz itmäde. Ägär aldanraq şaqtıy yuğarı dairä wäkilläre qatnaşaçaq dip xäbär itelsä, köne kilep citkäç kenä küpläreneñ anda barmawı mäğlüm buldı. Şuña biredä iñ zur citäkçe Tatarstan Premyer-ministrı Röstäm Miñnexanov ide. Ğomumän Tatarstannan Rusiä iqtisad forumına 20 keşe bardı. Çärşämbe könne respublika Xökümätendä uzğan matbuğat oçraşuında älege säfär näticäläre bäyän itelde.

Matbuğat oçraşuında Londonğa barğan Tatarstan säwdä häm tışqı iqtisadı xezmättäşlek ministrı Xafiz Salixov häm Tatarstan premyer-ministrı yärdämçese İskändär Möflixanov qatnaştılar. Küp kenä mäğlümat çaraları bu forumnı Rusiä citäkçelege inqär itte dip yazıp çıqtı. Matbuğat oçraşuında Xafiz Salixov ta Mäskäwdän keşelär az bulğannı äytte. Häm anıñ tel töbennän bu Tatarstan öçen bu küpmeder otışlı da buluı añlaşıldı. Respublikadan älege çarada “Tatenergo”, “Aq bars Xolding” oyışmaları, banklar wäkilläre qatnaşqan – barlığı 20 keşe. Şulay uq bu çarada Böyekbritaniäneñ säwdä häm sänäğät ministrı, Yevropa bankı wäkilläre, eşmäkärlär bulğan.

Rusiä iqtisadı forumı Londonnıñ Yılizaveta patşabikäse isemendäge zur sarayda plennar sessiä belän açılğanı äytelde. Anda Yevropa üseş häm tözekländerü bankınıñ citäkçese Jan Lemyer häm Tatarstan premyer-ministrı Röstäm Miñnexanov çığış yasawın söyläde Xafiz Salixov. Tatarstan Xökümäte citäkçese respublika iqtisadı üseşeneñ töp yunäleşlärenä tuqtalıp yaña neft' eşkärtü kompleksları, maşina tözeleşe urta häm keçe eşmäkärlek turında söylägän. Ayırım alğanda dön'yaküläm täcribälärgä tayanuı Tatarstan öçen zur näticälär birüen assızıqlağan. Häm barısın da üz küzläre belän kürsennär öçen forumda qatnaşuçılarnı may azağında Qazanğa çaqırğan. Bilgele bulğança maynıñ 20сендә Qazanda Yevropa bankı idäräçelär şurasınıñ utırışı uzaçaq häm şul uq waqıtqa Rusiäneñ investitsion mömkinlekläre digän biznes –forum da qaralğan.

Matbuğat oçraşuında Tatarstan säwdä häm tışqı iqtisadı xezmättäşlek ministrı Xafiz Salixov belderüençä, çit il şirqat'läre belän xezmättäşlek Tatarstanğa zur investitsiälär kiterergä mömkin. Xafiz Salixov:

Näticäläre tiz genä bula digän süz tügel. Läkin eşli başlağan şirqat'lärneñ kübese bezneñ forumnar, söyläşülär näticäse.“Venerberger” şirkäte Kurkaçida zur kirpeç zavodı tözi başladı. 180 million kirpeç çığara başlayaçaqbız. Anda 40 million yevrodan kübräk aqça keräçäk. Şulay uq Vasil'yevo bistäsendä “Arkinterneyşenl” şirkäte zavod tözi. Anda kilä torğan aqça 50 million yevrodan da artıq bulaçaq.

Säwdä häm tışqı iqtisadıy xezmättäşlek ministrı Xafiz Salixov belderüençä, könneñ ikençe yartısında Röstäm Miñnexanov Yevropa bankı, “Şel” şirkate wäkilläre belän oçraşqan. Alar belän irekle söyläşü alıp barılğan häm bu Tatarstan iqtisadın dön'yaküläm tanıtuğa tağın ber yunäleş dip assızıqlandı matbuğat oçraşuında.

Monnan tış Tatarstan wäkilläre Böyekbritaniä Parlamentı Yuğarı Palatasında da bulğannar. Andağı fiker alışularda qatnaşqannar. Bu xaqta Tatarstan Premyer-ministrınıñ yärdämçese İskändär Möflixanov:

Bez dön'yaküläm tanıluğa ireşä başladıq. Duslar barlıqqa kilä. Mäsälän

Yuğarı palatı lordı Nazir Äxmäd Tatarstannan forumğa delegatsiä kiläçägen belgäç maxsus çaqıru cibärgän. 80 yıl tarixı bulğan Parlament belän tanışu şaqtıy qızıqlı buldı. Ul könne Palatada xäyriäçelek häm Böyekbritaniäneñ küp balalı ğailälär turında fiker alışular bara ide.

Tatarstan Premyer-ministrı yärdämçese İskändär Möflixanov äytüençä, şulay uq oçraşu barışında iqtisadıy mömkinleklär häm mäğärif ölkäsendäge xezmättäşlek turında da söyläşülär bulğan.

Forumnıñ ikençe könendä törle temalarğa bağışlanğan 20 sessiä oyıştırılğan. Elegräk anda maşina tözeleşe ölkäsendä Tatarstan belän urtaq kileşülärgä qul quyıldı dip iğlan itelsä, matbuğat oçraşuında bu sorawğa açıq qına cawap birü bulmadı. Ğomumän, Xafiz Salixov Londondağı Rusiä iqtisadıy forum Tatarstan öçen berençe çiratta çit il şirqat'läre, eşmäkärläre belän küper buldıru öçen kiräk ide dip assızıqladı.

Landış Xarrasova

XS
SM
MD
LG