Accessibility links

шимбә, 3 декабрь 2016, Казан вакыты 14:40

Açıq mikrofon:Sez matbuğatqa ışanasızmı, anda döreslekne yazalarmı?


-Yartısına ışanam, Bar inde “Watanım Tatarstan”, “Tatarstan yäşläre”gäzitläre. Ämma säyäsät anda çağıldırılmıy, döres tügel inde ul.

- Matbuğatqa da yäşärgä kiräk. Yäşärgä kiräk bulğanğa, alar aqça alalar. Yazalar östäge citäkçelär yazarğa quşqannı. Citäkçelär quşqannı yazmasalar, andıy gäzit- jurnallarnı yabalar.

- Yartılaş , çönki bik ışanıp betmim. Çönki bik küp yalğannı da yazalar. Mäsälän , artistlar tormışı turında döres bulmağan äyberlärgä yulıqqan bar, uqığan bar.

- Äye ışanam, anda döreslekne yazalar. Min törle jurnallar uqıym, barısı da istä qalmıy. “Söyembikä” jurnalın yaratıp uqıym. Gäzitlärdän “Watanım Tatarstan” “ Tatarstan yäşläre”gäzitlären yaratıp uqıym. Studentlar turında kübräk yazsınnar ide dip äytmäkçe idem.

- Rusiä däräcäsendäge kebek ük, Tatarstanda da irekle matbuğat yuq. Anıñ bulğanı da yuq.

- Waqıtlı matbuğatqa ışanası kilä , çönki anda professionallar eşli bit. Häm alar üzläreneñ eşlärenä cawaplı qarap, alar döreslekne yazarğa tieşlär . Läkin ul tieşlek, ul bezneñ cämğiättän çığa. Cämğiättä şundıy şartlar tudırılğanmı? Cämğiätneñ şartlarına bäyle räweştä ışanası kilä döreslekne yazalar, dip. Läkin bez härwaqıtta da, mäsälän min, üzem şäxsän, bik ışanıp uqımıym, tıñlamıym alarnı. Min üzem, “Mädäni comğa”gäziten uqıym. Yaratıp uqıym¸çönki ul zıyalı tatarlar öçen. Min üzemä annan azıq tabıp uqıym.

- “Qazan utları” jurnalın , “Miras” jurnalın aldıram. “Mädäni comğa”nı aldıram. Elegräk kübräk aldıra idem. Xäzer irkenräk yazalar inde. Şulay da bötenesen dä yazıp betermilär.

Monnan berniçä yıl elek, min milli mäğärif turında berniçä gäzitkä yazıp çıqqan idem. Ul tatar xalqınıñ ruxi yäşäyeşe öçen bik möhim äyber ul.

-Anıñ turında yazalarmı soñ ?

-Menä yazmıylar şul. Mäktäplärdä ana telendä uqıtu turında. Änä şul xaqta yazmıylar. Ä bit anıñ nigeze änä şunnan. Ata- ana ixtıyarı, digän bulalar. Qısılğaç, nindi ata-ana ixtıyarı bula ul ? Böten xalıq ta üz telendä uqısın. Häm ul zakon nigezenä kersen. Zakonnarnı menä şulay dip qabul itärgä kiräk. Änä şul xaqta yazmıylar.

Mälikä Basıyr

XS
SM
MD
LG