“Säydäş” biyü teatrı kollektivı 8 mayda maxsus çaqıru buyınça Yaponiägä kitärgä cıyına. Anda bu kollektivnı Yaponiä häm Stranı Yevrazii cämğiäte üzeneñ 50 yıllıq yubiley bäyrämenä çaqırğan. Bu bäyrämgä Rusiädän tik “Säydäş” kollektivı ğına çaqırulı ikän.
“Säydäş”mädäni üzägendä üsep çıqqan 11кешедән torğan bu “Säydäş” törkemeneñ Yaponiägä baruın Qazan şähäre citäkçeläre dä xuplağan. Bu törkemneñ citäkçese Lima Kustabaeva äytüençä, alar. Yaponiä başqalası Tokioda häm tağı da berniçä şähärdä çığış yasayaçaq.
Programma ike bülektän tora. Konsertta Ural häm İdel buyında yäşägän xalıq icatı sänğäten kürsätäçäklär. Ä ikençe bülektä tatar xalıq cırları häm iyülläre bulaçaq. Tuqayğa bağışlanğan ör-yaña “Qırlay moñnarı” digän bik zur vokal' - xoreografik küreneş quyıla. Anda “Su anası” “Qırlay urmanı” “Şüräle” kebek şağirneñ äsärläre geroyları taswirlanğan bu küreneştä.
Anıñ “Ural ergäsendä” häm ”Saltıq bolını” dip isemlängän ike şundıy tabiğät küreneşe yasalğan zur äsärläre buyınça säxnäläşterelgän bik zur vokal'- xoreografik küreneş kürsätäçäkbez”,- dide Lima Kustabaeva.
“Säydäş” biyü teatrı oyışqanına bıyıl sentäber ayında 7 yıl tula.
Şul waqıt eçendä alar Qazan şähärendäge törle çaralarda häm şulay uq Törkiä häm Fransiä säxnälärendä dä alar çığış yasağan. Äytkänebezçä, bu törkem 8 may könne Mäskäwdän Tokioğa yul tota.
Mälikä Basıyr
