Accessibility links

җомга, 9 декабрь 2016, Казан вакыты 04:53

Törkiädä saylawlar 22 yüldä ütäçäk


Törkiä prezidentlığına berdänber namzät, tışqı eşlär ministrı Abdulla Gül saylawlarda qatnaşudan baş tartı. Törkiäneñ Millät Mäclese anı raslamadı. Oppozisiädäge säyäsi köçlär Törkiäneñ dönyawi tözeleşen yaqlap Gülgä qarşı tawış birde.

İnde ikençe tapqır Törkiä parlamentında Abdulla Gül turında tawışlar ayırıldı. Premyer-ministr Recep Tayyip Erdoğan citäklägän dini AK partiä üz namzätläre öçen tawış birüdä küpçelekne yawlıy almadı. AK partiägä oppozisiädäge köçlär tawış birüdän baş tarttı. Gül şunda uq saylawlarda namzät buludan tuqtawın belderde.

Soñğı atnalarda Törkiäneñ dönyawi tözeleşen yaqlap uramnarğa distälägän meñ keşe çıqtı. Xärbilär dä prezidentnıñ dini partiä wäkile bulu ixtimalına qarşılıq belderde. Manisa şähärendä uram cıyınında qatnaşqan Ähmät Bulut:

"Bez biregä cömhüriätne yaqlarğa häm xökümätkä sabaq uqıtırğa çıqtıq. Alar monnan sabaq alırlar, dip ömetlänäm," dide.

İstanbul häm Änkarada uzğan protest çaralarında isä millionnan artıq keşe qatnaşqan. Ğömüm saylawlar 22 yülgä bilgelände. Törkiädä prezident xakimiäte kiñ bulmasa da, il başınıñ qanunnarğa veto salu xoquqı bar.

Alsu Qormaş
XS
SM
MD
LG