5 mayda Başqortstannıñ Kuşnaren rayonı üzäge Kuşnaren awılında rayon başlığı Sergey Kasatkinnıñ urınınnan kitüen taläp itkän miting uzdırıldı. Yözdän artıq keşe qatnaşlığında ütkän mitingtağı ( ä bu Ufada 10000 keşelek mitingqa tiñ) töp lozunglar: “Kasatkin – rayonnan olaq!”, “Kasatkin, bez siña qollar tügel, sin bezgä xuca tügel!”, “Baytallı mäktäben ezärlekläwne tuqtatığız!” h.b. bar ide. Älege mitingnı urındağı xakimiat tarafınnan izelüçe-ezärleklänüçe eşquarlar oyıştırğan ikän. Mitingta eşennän alınğan direktorları, İlfir Qotdusovnı kire urınına qaytarunı taläp itep Baytallı awılı uquçıları da kilgän ide. Qoyıp yawğan qarlı yañğır astında çığış yasawçılar barısı da rayon başlığın häm anıñ yaqınnarın qanunnarnı, keşe xoquqların bozuda ğäyeplädelär häm rayon başlığı Sergey Kasatkinnı kiçekmästän urınınnan kitärgä çaqırdılar. Mitingqa rayon xakimiateneñ ber törkem erele-waqlı türäse dä kilgän ide. Kuşnaren rayonı deputatları sowetı räise Radik Ğäliev xalıq aldında çığış yasarğa teläsä dä, aña süz birmädelär. “Bezneñ taläplär Kasatkinğa qağıla, ul çığış yasarğa teli ikän – räxim itsen”, - dide mitingnı alıp baruçı ber xanım. Ämma Kasatkin mitingqa kilmägän bulıp çıqtı...
Kärim Yawış, Ufa
Kärim Yawış, Ufa
