Accessibility links

пәнҗешәмбе, 8 декабрь 2016, Казан вакыты 01:22

Açıq mikrofon: Sez kemgä kübräk ışanasız, xakimiätkäme, ällä säyäsi partiälärgäme? Xakimiät saylawlarına barır idegezme?


Kübräk xakimiätkä ışanam. Xakimiät bezneñ tormışnı alıp bara. Çönki bez böten äyberne xakimiättän alabız. Säyäsi partiälärneñ monda qatnaşı yuq buğay. Saylawğa baram. Çönki bezdän tora . Kemne saylıylar. Bez anı saylarğa tieşbez , bez saylamasaq döres bulmıy. Menä soñğı yıllarda Rusiä Prezidentı Vladimir Putinnıñ gubernatorlarnı bilgeläp quyuı, döres tügel. Xalıq saylarğa tieş.

- Ber saylawnı da qaldırğan yuq. Menä Şäymievne saylağan idek. Küptän tügel genä menä üzebezneñ şähär başlığın sayladıq.

- Xakimiätkä berkemdä ışanmıy xäzer, kommunistlar öçen tawışımnı biräm.

-Yuq, bernindi partiäne dä belmim min. Miña 18 yäş Miña närsägä ul?

-Bernindi partiälärgä dä tawışımnı birmim.

-Säyäsi firqälärgä min ışanmıym. Min xakimiätkä ışanam. Ul ışanıçlı , çönki ul xalıqnıñ yäşäw däräcäsen yaxşırtır öçen bar şartlarnı da tudıra.

-Saylawlarğa min yörim. Xakimiätkä min ışanam. Alarnıñ böten eşlägän eşläre , ğämälgä aşıp tora. Säyäsi firqälärneñ eşläre turında min bernärsä dä äytä almıym.

-Bernindi partiälärgä dä tawışımnı birmim.

- Xakimiät saylawlarına barasızmı?

- Älbättä, çönki bu bezneñ burıçıbız.

- Ä sez Tatarstandağı nindi partiälärne beläsez?

Ul qädär ük yaxşı itep belmim. Şul uq “Berdäm Rusiä” partiäseneñ filialları, LDPR filialları bar. Üzebezneñ mondağı partiälärne belmim, yuqtır, bälki. Partiälärneñ bersenä dä ışanmıym. Işanmasaq ta , nişlik soñ inde?. Çönki bez saylamasaq, başqalar saylıylar alarnı. Şuña kürä , barıber nindider ber partiägä barıp tawışnı birergä kiräk. Çönki bezneñ tawışıbız buşqa qalsa, ul başqağa kitä.

- Säyäsi partiälär turında bez kübräk işetäbez. Xakimiätneñ eşçänlege turında min üzem belmim. Böten Rusiä partiäläreneñ dä Tatarstanda filialları bar , KPRF- nekedä. Ämma “Berdäm Rusiä” partiäse, sanlığı buyınça iñ zur partiä. Ber partiägä dä, bötenläy ışanıp beterep bulmıy.

Mälikä Basıyr

XS
SM
MD
LG