Accessibility links

шимбә, 10 декабрь 2016, Казан вакыты 02:05

Citäkçelär üz aqçalarına satıp alğan invalid arbaların veterannarğa büläk ittelär


Premyer ministr, anıñ urınbasarlarınıñ xezmät xaqı küpme? Bu soraw härkemgä qızıqtır da, ämma moña cawapnı tabuı bik ansat tügel. Niçek kenä bulmasın, 9 may bäyräme könnärendä, räsmilär üzläreneñ aqça qapçıqların beraz qawşataçaqlar. Ciñüneñ 62 yıllığı uñayınnan, premyer ministr 5, anıñ urınbasarları 4тешәр, ministrlar 1, ä alarnıñ urınbasarları urınbasarlarmı ike keşegä ber invalid arbasın üz aqçalarına satıp alıp, alarnı veterannarğa büläk ittelär. Härberseneñ bäyäse 7500 sum. Sişämbe, ministrlar kabinetında uzğan matbuğat oçraşuında Sotsial' yaqlaw ministrı Klavdiä Novikova bäyräm könnärendä veterannarğa barlığı 190 änä şundıy arba büläk iteläçäk dip belderde.

Rusiäneñ sotsial' iminlek fondınıñ Tatarstan bülege mäğlümatlarına qarağanda, bügenge köndä invalid kreslo-kalyaskalar alırğa 3500 keşe çirat tora. Alar arasında suğış veterannarı da bar, älbättä. Monnan tış, kreslolarğa, törle gospital'lär, şifaxanälär, sotsial' yärdäm kürsätü yortları, maxsus uqu yortları da moxtac. Tatarstan buyınça kreslo-qatalqalarğa moxtaclarnıñ ğomumi sanı 5000 meñgä yaqın. Monı istä totıp, 9 may bäyrämenä, Tatarstan citäkçelege, xäyriä yılında, veterannarğa şundıy töp çara ütkärergä buldı.

1 may bäyräme könne, küp kenä ölkännär pensiä, toraq şartları häm başqa şundıy sotsial' mä’sälälärgä qarağan, yazular kütärep mitingqa çıqqan ide. Ciñü köne bäyrämnärendä, veterannarnıñ toraq şartların yaxşırtu yunäleştä eş alıp barılamı? Matbuğat oçraşuinda bu turıda da sorawlar yañğıramı qalmadı. Klavdiä Novikova moña qarata üz fikeren belderde.

Tatarstan prezidentı yullanmasında äytelgänçä, bügenge köndä bezneñ ministrlıq tarafınnan veterannarğa yärdäm itü maqsatınnan ayırım programma tözelep betep kilä. Monda küp kenä mä'älälär, toraqqa, pensiälärgä, ölkännärneñ yäşäw şartların yaxşırtuğa yunälderelgän sorawlar qaralğan. Toraqqa kilgän dä monda şulay uq Rusiäne toraq belän tä'min itü programması bar. Anıñ nigezendä veterannarğa Rusiä byudjetınnan subsidiälär birelä. Bıyıl ul 200 artıq keşegä birelergä tieş. Subsidiäneñ küläme 18 kvadrat metr bäyäse.

Soñğı könnärdä Rusiä matbuğat çaralarında Estoniädä Rus soldatı häykäle tiräsendä bulğan waqiğalar küp yaqtırtıldı. Tatarstanda Yapon häm Nemes äsirläreneñ qäberläre bar bit. Alar ni däräcädä qarala? Bu turıda mädäniät ministrı Zilä Waleewa söyli.

Bu qäberlärne qaraw bezneñ zur burıçıbız. Ul eşlärne bez ciñüneñ 60 yıllıq yubileena başlağan idek inde. Bez munitsipal' oyışmalar belän bergäläşep bu eşne alıp barabız. Bıyıl yaña häykäl Leninogorsk rayonında açıla. Annan soñ yaña häykälne Buada quyalar bıyıl. Anda elektän qalğan maşina alıp qaytqannar, şunı quyalar. Bu eşlär däwam itä.

Veterannarnıñ matdi xällären, yäşäyeş şartların yaxşırtu belän berrättän, alarnı ruxi yaqtan da küñellären kütärüçe çaralar ütkärelä başladı inde. Misal öçen, sişämbe, Tatarstan rässamnar berlegendä 2 Bötendönya suğışında ciñügä bağışlanğan kürgäzmä açıldı. Biredä 70 artıq rässamnıñ eşläre tuplanğan. Alar arasında suğış veterannarı da bar. Ciñü könenä bağışlanğan mondıy küp kenä çaralar Tatarstanda atna däwamında baraçaq dip kötelä.

Ğädel Galämetdinov.

XS
SM
MD
LG