Accessibility links

җомга, 9 декабрь 2016, Казан вакыты 10:49

Törkiäneñ kön tärtibendä tik saylawlar


22-nçe İyüldәge parlament saylawları өçen Yuğarı Saylaw Oyışması urnalarnı äzerli başladı. Şulay uq sәyәsi partiәlәrgә dә kandidat kandidatı bulu өçen mөrәcәğәtlәr başlandı. Tөrkiәdә parlament saylawlarına nindi dә ber partiәneñ saylaw isemlegenә kerә alu өçen başta kandidat bulırğa telәwçe şәxes partiәgә 2-3 meñ Yaña Tөrek lirası tüli. Şunnan soñ partiә organnarı kemneñ nindi şәhәrdәn niçәnçe urında kandidat itep bilgelәnәçәgen belderә. Küberәk keşe AK partiәgә mөrәcәğәt itte. Çөnki soñğı waqıttağı barlıq buldıqsızlıqlarına qaramastan analizçılar AK partiәneñ ütkәn 2002-nçe yılğı saylawlardağı kebek berençe partiә bulıp çığaçağına ışanalar. Soñğı atnalarda 550 urınlı parlamentta 361 deputatqa iә buluına qaramastan yaña prezidentnı saylata almadı. Oppozitsion partiәlәr tawış birü protsesına qatnaşmağaç berençe turda 367 tawış alalmağan hәm ikençesendә dә alalmayaçağı mәğlüm bulğaç tışqı eşlәr ministere Abdullah Gül prezidentlıq postına kandidaturasınnan vaz kiçәrgә mәcbur buldı. İnde prezidentlıq saylawları yaña parlamentqa qaldırılaçaq, 16-nçı Mayda 7 yıllıq prezidentlıq vazıyfasınıñ mөddәte tulaçaq Ahmet Necdet Sezer yañası saylanğançığa xәtle şuşı postta qalaçaq.



22-nçe İyüldә saylawlar bulaçağı añlaşılğaç, cәmğiәvi oyışmalarnıñ da basımı belәn konservativ ike partiә Anavatan belәn Dөres Yul partiәlәre berlәşәçәklәren belderdelәr. Sulda da şundıy tırışlıq bar. Cömhuriәt Xalıq Partiәse (CXP) wafat bulğan elekke premier Әcәvitneñ partiәse Demokratik Sul Partiә (DSP) belәn berlәşü buyınça prinsipta kileştelәr. Lәkin niçә kөn uzsa da әlegә tөgәl nәticә alınğanı yuq. Tik DSP-neñ citkәkçese Zәki Sezerneñ partiәne taratmas өçen deputatlıqqa kandidaturasın quymayaçağı mәğlüm buldı. Qısqası şuşı sular arasındağı berlәşü protsesında qayber kirtәlәr bar sıman. Tөrkiәdә saylawlarda 10 % kirtәse bulu sәbәple Kөrdlәrneñ Demokratik Cәmğiyәt Partiәse saylawlarğa bәysez kandidatlar belәn kerü qararın aldı. Çөnki alar 10 % kirtәsen aşalmayaçaqların belәlәr. Lәkin Kөrdlәr küpçelektә yәşәgәn saylaw okruğlarında ber bәysez kandidatnıñ otu şansı zurıraq. Alar şulay itep 37 keşene parlamenta kertәçәklәrenә өmet bağlıylar. İndә çәmğiәt fikeren өyrәnü oyışmaları ütkәrgәn tikşerenülәrgә kürә, AK partiә tawışlarnıñ 30 % tirәsen alaçaq. CHP 14 % tirәsendә tawış alaçaq DSP belәn berlәşsәlәr bu 20 %-nı aşaçaq. Anavatan belәn DYP şulay uq 20 % tawış alaçaq dip kөtelә. Millәtçe Xәrәkәt Partiәse dә 10 % kirtәsen aşaçaq buluğa oxşıy. Dimәk, kilәse parlamentta ike genә tügel dürt biş partiә urın alaçaq hәm ber nindi dә partiә küpçelekkә iә bulmaw sәbәple koalitsion xөkümәt tөzelәçәk. Qısqası imeş mimeşlәr, saylaw aldı xezmәttәşlege hәm ber beren ğәyeplәwlәr saylawlarğa xәtle dәwam itәçәk dip kөtәrgә kirәk.

XS
SM
MD
LG