Accessibility links

сишәмбе, 6 декабрь 2016, Казан вакыты 21:06

Tatarlar qurqınıçlımı?


“Tatar bar cirdә xәtәr bar” digәn әytem çınbarlıqqa turı kilәme? Yuğisә Tatarlarğa qarşı başta Ruslar hәm başqa xalıqlarnıñ tarixi añında şundıy qurqu mı bar? Moña tөgәl cawap birü qıyın. Lәkin Tөrkiәdә dә qayber dairәlәrdә Tatar isemenә uñay bәye birelmәweneñ ürnәklәre arta başladı.

AQŞ-nıŋ New Jersey şәhәrendә Fort Dix xәrbi bazasına xөcem oyıştırırğa cıyınğan altı Mөselman AQŞ saqlıq kөçlәre tarafınnan qulğa alınğan. Şularnıŋ өçe Alban, bere Yordaniә ğәrәbe, bere isә Tөrek. Tөrekneŋ iseme isә Sәrdar Tatar. Tөrkiәdә familiәse Tatar bulğan baytaq keşe bar, xәtta çığışı belәn Kөrdlәrdә dә bu familiә qullanıla. Yәğni alarnıŋ çın Tatar buluwı şart tügel. Lәkin ğadi xalıq monı soraşıp tormıy. Soŋğı aylarda televiziәlәrdә küpçelek yaratıp qarağan ike serial kürsәtelә. Berençese “Sanğıraw bülmә” dip atala hәm anda tөp qәhәrmannardan bere Girayxan Qırımlı AQŞ faydasına eşli. İkençese “Bürelәr Upqını”dip atala, anda da kөçle ber mafia ğailәse Tatar ulları bar. Dөres Tөrkiәdә Tatar digәç Qırım Tatarları aŋlaşıla. Әmma niçek kenә bulmasın Tatarlar tiskәre obrazğa әwerelә başladılar digәn tә`sir qala.



Yarar bu atnadağı uñay ber xәbәr isә 13-nçe Mayda İstanbulda 1918-nçe yılda Ufada tөzelgәn Tөrek-Tatar Millәt Mәclese rәise Sadri Mәqsudinıñ wafatına 50 yıl tulu uñayı belәn uzdırılaçaq cıylış. Anı onıqlarınnan Gülnur Üçok belәn İstanbul Şәhәre oyıştıra. Tөrkiәdәn Professorlar Halil İnalcık, Ahmet Mumcu, Ahmet Ercilasun, Nadir Dәwlәt, ataqlı jurnalist Taha Akyol, Qazaqstannan Timur Kozyrev, Finlandiadan Okan Dahәr, Tatarstannan Salavat İsxakov belәn Rafael Muhammedinov çığış yasayaçaqlar.

Әxtәm İbrahim, İstanbul

XS
SM
MD
LG