Accessibility links

Кайнар хәбәр

Azatlıq häm “Bezneñ gäcit” xezmättäşlektä


Anıñ bit iseme dä küñelgä yaqın- “Bezneñ gäcit”. Şuña kürä üz itälär anı di, bu basmanıñ xezmätkäre häm şulay uq “Yaña ğasır” telekanalında “Tuğan cir” tapşıruın alıp baruçı Rämil Ğarıypov.

Soñğı ber yıl eçendä genä “Bezneñ gäcit”ne uquçılar 3-4 tapqır arttı. Keşelär ber-bersennän alıp uqıy. Gazetağa kilgän xatlar şunı kürsätä.

Ä atnasına küpme xat ala soñ “Bezneñ gäcit”?

100-lärçä dip sanasaq ta äle bu az kebek. Monda bit gazeta uquçılar üzläreneñ fikerlären dä äytep birä. Menä gazetağızda tege yäki bu temalarnı küräse kilä dip. Menä ul yağı belän dä ul xalıqqa yaqın. Xäzerge waqıtta xalıqnıñ üzeneñ äytäse kilgän süzen, fikeren “Bezneñ gäcit” äytä dä birä.

Äñgämädäşebez äytüençä, xalıq yaratıp uqığan häm şul uq waqıtta başqa basmalar kütärmägän problemalarnı yazğan gazetanı kemnär äzerli soñ? Kemnär aña mäqälälär yaza?

“Bezneñ gäcit”ne açıp qarasağız. “Yaña ğasır” telekanalında eşläwçe bik küp kenä jurnalistlarnıñ bik küp kenä mäqäläläre anda urın ala.

Matbuğat irege bar dip söyläşäbez… Ämma, bezneñ televideniedä dä ütmägän materiallar bula. Tänqit yağınnan kilgändä. Menä şuşı materiallarnı bez gazeta uquçılarğa täqdim itäbez. Bernindi totqarlıqsız alar basılıp çığa.

Türälär uqıymı soñ bu gazetanı? Räsmilärdän kemnär qulına ala?

Premyer ministr urınbasarı, awıl xucalığı ministrı Marat Äxmätov ta qızıqsına “Bezneñ gäcit” belän. Menä şuşı yazğan problemanı gazeta bitlärendä kürep bulsa da awıl xalqı tınıçlanıp qala.

“Bezneñ gäcit” xezmätkäre häm şulay uq “Yaña ğasır” telekanalında “Tuğan cir” tapşıruın alıp baruçı Rämil Ğarıypov äytüençä, gazetada kütärelgän böten problemalar da çişelmi. Ämma döresen häm turısın äytüneñ faydası tiä ikän. Misal öçen awıl xalqı investorlarnıñ kilep cir satıp aluın “yaña inqilab” bularaq qabul itkän.

Bar ikençe törle investorlar. Xalıq bik borçılıp yaza. Pay cirläre belän bik butalışlar kilep çığa. Tieşle bäyägä ikmägen, peçänen, onın birmägän oçraqlar bik küp. Xezmät xaqları belän uynağan oçraqlar bik küp inde. Menä alar käğäzdä ber törle kürsätelä. Ä tormışta isä bik az külämdä tülänä. “Bezneñ gäcit” uzğan yıl ber tema kütärep çıqtı. Milli bäyräm Sabantuyların investorlar böten awıllarda da ütkärmäskä, ä üzäktäge awıllarda ğına ütkärergä teläde. Ul temanı kütärep çıqtı “Bezneñ gäcit”. Şuña kürä ul awıllarda Sabantuyları buldı uzğan yıl.

Bıyıl isä, bu basmanı ğämälgä quyuçı häm oyıştıruçı möxärrir İlfat Fäyzraxmanov, anı “Äybät-gäybät” tapşıruın alıp baruçı bularaq ta belälär, menä anıñ äytüençä “Bezneñ gäcit” türälär Sabantuynı ütkärttermägän awıllar isemlegen tuplıy başlağan. Häm tizdän basıp ta çığaraçaq.

Bu basmanı Rusiäneñ başqa töbäklärendä dä üz itä başlağannar.

“Bezneñ gäcit”neñ turı fikeren äytüe säbäple, Başqortstannan bik küp şaltıratular kilä. Gazetanı bezgä kiterep citkerä almıy, dilär. Cirle citäkçelär tarafınnan poçta, elemtä bülekläre yärdäme belän qısrıqlawlar bar.

İnde xäbär itkänebezçä, möxtäräm tıñlawçılar “Azatlıq radiosı” “Bezneñ gäcit” belän xezmättäşlegen başladı. Soñğı sanında ul 7 mayda ütkän radio köne uñayınnan “Azat- “Azatlıq” digän mäqälädä tatar-başqort redaksiäse turında yaza. Şulay uq yazuçı Mirsäy Ğarifnıñ radiobızda yañğırağan Mäskäwdäge Vasiliy Blajennıy çirkäwe arxitekturasında Söyembikä obrazı yata digän fikerlären dä kiterä. Başqortstan tatarları häm Tatarstan başqortları digän mäqälä “Azatlıqta tatar dönyası” säxifäsendä dönya kürgän.

Nail Alan

XS
SM
MD
LG