Accessibility links

дүшәмбе, 5 декабрь 2016, Казан вакыты 05:27

Başqortstan yılğalarında su kimi


Başqortstan yılğalarında häm susaqlağıçlarında taşqın bieklege tübän töşä başladı. Soñğı könnärdä ul Ağidel häm Qaraidel yılğalarında 40-50 santimetrğa töşkän. Aldağı könnärdä dä yañğırlar bulmasa, su küläme kimi baraçaq. Bu xaqta Ufada comğa könne uzğan kiñäşmädä äytelde. Qama su basseynı idäräseneñ cawaplı xezmätkäre Äxtäm Ğabbasov äytüençä, bıyılğı taşqın soñğı biş yılda iñ köçlese bulğan. “Xäzerge köndä şäxsi xucalıqlar häm törle oyışmalar üzlärenä su basular kitergän zıyannı isäpli, - di ul. - Xäzer inde artıq su küläme kön dä kimügä baraçaq”.



Qama su basseynı idäräseneñ cawaplı xezmätkäre Äxtäm Ğabbasov buldı. Anıñ süzlärençä, bıyılğı su taşqını tağın da zurraq zıyan kitergän bulır ide, ämma moña susaqlağıçlarda sunıñ bieklegen köyläw yul quymadı. Pavlovka, Nögeş, Yomağuca susaqlağıçları taşqın külämen köyläw mömkinlegen birä, di Äxtäm äfände. Ämma ekolog belgeçlär fikerençä, susaqlağıçlarnıñ ber yaqtan faydası bulsa, ikençe yaqtan zıyanı da citärlek. Ayıruça iñ soñğı bulıp tözelgän Yomağuca susaqlağıçı tiräsendä bügenge köndä dä zur bäxäslär tınmıy. Anıñ ğomum tabiğät'kä zur zıyan kiteräçägen iskärtä ekologlar.

XS
SM
MD
LG