Accessibility links

якшәмбе, 4 декабрь 2016, Казан вакыты 15:15

Bıyıl “Yağımlı yaz”nıñ Gala-konsertın uzdırmadılar


Studentlar yazında bötenläy tatarça çığışlar bulmadı. Şulay itep distä yıldan artıq oyıştırılıp kilgän tatar studentlarınıñ bıyılğı “Yağımlı yaz”ına yasin çıqtılar, ä ğomumi “Studentlar yazı”nda ber tatar cırınnan tış milli ber genä çığış ta bulmadı. Ğomumän, festival' üze şaw-gör kilep başlanıp kitte – Studentlar Qazan mulen rujın täqdim ittelär. Salyutlar buldı Andağı ber salyut atu ğına da tatar studentlarınıñ böten ”Yağımlı yaz”ın başınnan azağına qädär ütkärep çığarğa citär ide. Äytergä kiräk, “Yağımlı yaz”nıñ bıyıl da saylaw turları uzğan. Anda xätta Mäskäw, Ul'yan, Çiläbedän dä tatar yäşläre qatnaşqan. Barlığı 500ләп tatar studentı cälep itelgän. Läkin şul saylaw turınnan uza almadılar. Gala-konsertnıñ nişläp ütkärelmäwe turında töp oyıştıruçı - Qazan şähäre balalar häm yäşlär eşläre komitetı citäkçese Damir Fättäxov:

Qızğanıçqa ul könne matäm köne dip iğlan itelde. Bez anı küçermäkçe idek, läkin Rusiä töbäklärennän kilgän tatar yäşläreneñ inde biletları alınğan ide. Şuña şulayraq kilep çıqtı. Ämma Yağımlı yaznıñ däräcäsen kütärergä kiräk. Bu oyıştıruçılarğa häm aqçağa da qaramıy. Çönki küp yuğarı uqu yortları Studentlar yazına basım yasıy, ä Yağımlı yazğa iğtibar citep betmi.

Damir Fättäxovnıñ fikerläre belän qayber yuğarı uqu yortları uqıtuçıları kileşmi. Mäsälän, “Studentlar yazı”na kilgän Qazan däwlät mädäniät häm sänğät universitetınıñ prorektorı Nail Safiullin:

Prorektorlar kiñäşmäsendä bu xaqta söyläştek, “Yağımlı yaz” möstäkıyl' bulırğa tieş didek. Läkin oyıştıruçılar ul “Studentlar yazı” qısalarında da sıyfatlı uza didelär.

Qazan däwlät mädäniät häm sänğät universitetınıñ prorektorı Nail Safiullinğa quşılıp üze dä dä äle küptän tügel “Yağımlı yaz”da qatnaşqan, Tatar däwlät gumanitar-pedagogiqa universitetınıñ akterlıq ostalığı buyınça ölkän uqıtuçısı, estrada artistı Rafis Fazılcan:

“Yağımlı yaz” ikençe sortlı bulıp qala. Ul festival'gä qaraş ikençel däräcädä.

Rafis Fazılcan Yağımlı yazğa äzerlängän tatar studentlarınıñ käyefläre qorıluın äytte. Alarnıñ qayberläre “Studentlar yazı” qısalarında çığış yasayaçaq disälär dä, tatar çığışları bulmadı. Tatar yäşlären tağın ber qat aldadılar.

Oyıştıruçılar isä, ayırım alğanda şähärneñ balalar häm yäşlär komitetı “Yağımlı yaz”nıñ saylaw turları uzdı. Anda bez iñ yaxşı çığış yasawçılarnı qotladıq, büläklär birdek dide.

Läkin itäk astınnan ğına uzdırıp cibärgän bu saylaw turları kemne genä qänäğätländerde ikän. İñ ayanıçı şul - bu xaqta ber genä dä qayğıruçı yuq –Tatar kongressına da, Qazannıñ tellär komitetına da barıber.

Landış Xarrasova

XS
SM
MD
LG