Accessibility links

шимбә, 3 декабрь 2016, Казан вакыты 16:46

Serbiä Yewrovizionda ciñüen bäyräm itä


Uzğan töndä Serbiä Ewrovizion television cır bäygesendä ciñep çığuın bäyräm itte. 22 yäşlek serb qızı Mariya Şerifoviç uzğan töndä Helsinkidä ütkärelgän cır bäygesendä finaldağı 23 köndäşen ciñep berençe urın aldı.

Şunnan soñ meñnärçä keşe Serbiä başqalası Belgrad uramnarına çığıp töne buyı bäyräm itte.

Uramnardağı maşinalardan da Mariyanıñ tawışı qıçqırtıp uynatıldı.

Bu könnärdä Yewropağa yöz totuçı xökümät tözü belän mäşğül bulğan Serb parlamentı da kiçke utırışın özep Serbiäneñ ciñüen alqışladı.

Premyer ministr urınına bilgelängän Voyislav Koştunitsa Şerifoviçqa yullağan xatında "Buldırdıñ Mariya! Bu töndä barlıq serbiä sineñ arqada ğorurlana häm bäyräm itä" dip yazdı.

Serblarnıñ Molitva çırı Alla belän keşe arasındağı bilgesezleklär turında.

Cırşı üze Finländiä başqalasındağı matbuğat oçraşuında ciñüe turında "Min Serbiä öçen yaña çor başlandı dip uylıym, muzıka ölkäsendäge genä tügel. Min bik ğorurlanam. Döresen äytkändä ni äytergä dä belmim. Min bik ğorurlanam, çönki min bar uñışıma cır aşa ireştem. Barı cır aşa ğına. Çığıp cırlaw aşa ğına. Häm min moña bik ğorurlanam" dide.

Ukrian cırçısı Verka Serdüçqa bu bäygedä ikençe, Rusiäneñ Serebro törkeme öçençe urınnı aldı.
XS
SM
MD
LG