Accessibility links

шимбә, 3 декабрь 2016, Казан вакыты 14:49

Qazan Yevropada tözekländerü häm üseş bankı utırışına äzerlänä


Yeropada tözekländerü häm üseş bankı 1991 yılda, buldırılğan. Ul yıllarda Yevropanıñ Üzäk häm Könçığış rayonnarında sotsialistik lager' cimerelä. Sovetlar soyuzı tarqalıp barlıqqa kilgän illärgä billärgä iqtisatların üsterü öçen yärdäm kiräk bula. Yevropada tözekländerü häm üseş bankı üz östenä bu maqsatnı da ala. Bügen banknıñ investitsiäläre, iqtisat bazarın üsterü öçen Yevropa häm Aziäneñ 29 ilendä qullanıla.

Şuşı könnärdä Tatarstan ministrlar kabinetında uzğan kiñäşmädä premyer ministr Röstäm Miñnexanov, “Qazanda mondıy çara ütkärü, bezneñ öçen zur xörmät, şuña da aña äzerlek iñ yuğarı däräcädä barırğa tieş” dide. Bügenge köndä Yevropada tözekländerü häm üseş bankına kergän, törle illärdän 1600 wäkilneñ älege utırışqa kilüe räsmi terkälgän inde. Barlığı isä, älege çarada 61 ildän 2500гә yaqın wäkil qatnaşaçaq dip kötelä. Qunaqlar arasında Yevropa cämäğätçelege, Yevropanıñ bulışlıq kürsätü bankı, İslam üseş bankı, Aziä üseş bankı kebek xalıqara oyışma wäkilläre dä bulaçaq.

19 may könne Yevropada tözekländerü häm üseş bankı utırışı qısalarında “Rusiä töbäkläreneñ üseş yulları” iseme astında xalıqara investitsion forum da uzar dip kötelä. Ul Qazannıñ Korston küñel açu üzägendä bulaçaq. Şul uñaydan comğa könne biredä Rusiä töbäklären iqtisadi yaqtan üsterü yulları, alarnıñ innovatsion mömkinleklärne öyränü, töbäklärdä däwlät häm şäxes mönäsäbätlären cayğa salu, töbäklärne investitsiälänü häm başqa şundıy temalarğa tügäräk öställär ütkäreläçäk. Mondıy forumnarnıñ Tatarstan öçen uñay yaqların, Respublikanıñ säwdä häm tışqı iqtisadi xezmättäşlek ministrı Xafiz Salixov bolay bäyäli. Näticäläre bügen bula digän süz tügel, ämma xäzerge waqıtta kilgän zur kompaniälärneñ kübese, bezneñ forumnarda, prezentatsiälärdä bulğan vizitlarda, eşlägän eşlärneñ näticäse dip äytäse kilä. Xäzer menä Wenderberger kompaniäse bik zur kirpeç zavodı sala Qorçaçıqta, 180 million kirpeç çığara başlayaçaqbız, böten närsä şulay barsa bıyıl.

Älege forumda Yevropada tözekländerü häm üseş bankı utırışında qatnaşuçılar ğına tügel, ä Rusiä xakimiäte citäkçelege, ministrlıq häm vedomstvo wäkilläre, ilneñ däräcäle finans institutları ğalimnäre häm cämäğät eşlekleläre qatnaşaçaq.

Şul uq könne töşke aştan soñ forumğa gıelgan qunaqlar “Tatarstan Respublikasınıñ investitsion mömkinlekläre” digän kürgäzmäne qarıy alaçaq.

Soñınnan Tatarstannıñ xalıqara at-sportı kompleksında mädäni çaralar häm Tatarstan prezidentı Mintimer Şäymiewneñ qunaqlarnı räsmi qarşı alu tantanası qaralğan.

Tatmediä mäğlümat agentlığı xäbärenä qarağanda, dönya küläm forumda qatnaşaçaq wäkillär Tatarstanğa atna urtasında kilä başlayaçaq. Yevropada tözekländerü häm üseş bankı prezidentı Jan Limyernı Tatarstan citäkçelege Qazanda 17 mayda qarşı alaçaq.

Ğädel Galämetdinov.

XS
SM
MD
LG