Accessibility links

шимбә, 3 декабрь 2016, Казан вакыты 01:27

Ästerxan ölkäsendä nuğaylarnıñ elekke başqalası Säyet awılı gaz eçendä yäşi


Rusiä mäğlümat çaraları xäbär itkänçä, Rusiä, Qazaqstan häm Törekmänstan prezidentları oçraşıp, Kaspiy buyınnan gaz ütkärgeçe qoru turında kileşte. Bu oçraşudan soñ alar härqaysı da üz xökümätlärenä bu kileşüne äzerläp beterergä häm imzalarğa boyırdı. Moña qädär bulğan Gazprom ütkärgeçläreneñ xäle niçek soñ? Xäzerge Ästerxan ölkäsendäge nuğaylar yäşägän häm qayçandır üzäge bulğan Säyet awılı yanına yaqın da kilep bulmıy ikän. Andağı gaz ise 5 çaqırımda qädär tarala. Sulış ta alıp bulmıy. Ä Säyet xalqınıñ yartısı yaña urınğa küçä almağan di, äle yaña ğına bu yaqlarda bulıp qaytqan Söyembikä jurnalı xezmätkäre İlsöyär İqsanova.

“Söyembikä ”jurnalnıñ baş möxärrire Firaya Bädretdinova citäkçelegendäge bu delegatsiä Ästerxanda säyäxättä bik küp närsälär kürep, küp närsälärdän ğibrät alıp qaytqannar.

Söyembikä” jurnalınıñ iñ zur büläge bar, ul “Söyembikä beläzege”dip atala. Anı bik siräk xanımnar ğına yörtälär. Şuşı “Söyembikä beläzege” iäseneñ berse Ästerxandağı “Söyembikä” cämğiäte räise Nailä Poteeva. Aña bu beläzek tatarlar belän bik zur eşlär eşlägäne öçen birelde. Älege “Söyembikä” jurnalı xezmätkärlären, jurnalnıñ uquçıları belän Ästerxanğa oçraşuğa çaqırğanı da Nailä Poteeva ikän. Öç könlek säyäxättä qatnaşuçılar arasında foto korrespondent Ğazinur Xafizov, “Oya” quşımtasınıñ möxärrire Gölnur Safiullina, häm bügen bezneñ Azatlıq radiosı studiäsenä qunaqqa kilgän yazuçı, jurnalist, şağirä İlsöyär İxsanova bulğannar. Mikrofonnı İlsöyär İqsanovağa biräm.

Belgänebezçä, Söyembikä- xanbikäbez näq şul nuğaydan , şuşı Ästerxan cirlärennän, Qazanğa kilgän . “Söyembikäneñ tuğan cirlären kürep qaytu ğına da bezgä bik qızıq buldı,-dide İlsöyär İqsanova.

Volgograd şähäre däwlät xezmäte Akademiäseneñ Ästerxanda filialı bar. Anıñ prorektorı Nuğay yegete, İldar İdrisov. Ul fännär kandidatı. Nuğay tarixın öyränä torğan keşe ul

“Nuğay xalqı törki xalıqlar törkemenä kerä. Ämma tatar telennän telläre ayırıla. Ämma alar barısı da tatarça bik yaxşı belälär. Tatar telen alar tuğan tel dip uqığannar.

İlsöyär İqsanova nuğaylar tormışı turında da bik şaqqatıp söyläde. Nuğaylar belän oçraşu da bezgä bik qızıqlı buldı. Bezne alıp bardılar nuğaylar belän oçraşuğa, Rastopolovka digän şundıy zur awılğa.

Alar anda Säyed digän awılların küçerergä yaña “Rastopolovka” digän awıl tözegännär. İke qatlı kotedjlarında şähär tibındağı poselok bu. Mäktäpläre şulqädär zur, şundıy matur. Ämma alar anda yäşägän keşelär üzläreneñ zur Säyed awılların sağınıp yäşilär. 33 km awılları qalğan. Ziratları qalğan şul Säyet awılı yanında alar äle dä şunda kümelälär.

Rusiäneñ Gazpromı tözelgän bu Säyet awılı yanında. Anda şul qädär gaz ise kilä, . menä gaz plitәsen açıp quysañ , ise kilgän kebek. Ul awıl yanında gaz ise kilä. . “Gazprom” bu awıl belän kileşü tözegän bulğan. Ämma kotedjlar bar xalıqqa da tözelep birelmägän. Şul awılda 3 meñläp keşe yäşägän bulğan . Ämma alarnıñ barısın da ul awıldan küçerep beterä almağannar. Bu Säyet awılınıñ ber öleşe qalğan. Alar şul küçerelep betmägän Säyet awılında gaz eçendä yäşilär. Menä şulay yäşäp yatalar nuğaylar. Bu nindider ber katastrofa inde , dide İlsöyar İqsanova.

Ästerxanlılarnıñ “Söyembikä beläzege”n kürgäç, alarnıñ närsä toyuları turında Nailä Poteeva bolay dip äytkän: “Söyembikä bit alarnıñ qızları, alar niçä ğasırlar buyına Söyembikäneñ Qazanğa kitep, şuşı qollıqqalarğa töşep , urıs cirenä cibärelüenä, ärnep yäşilär. “Söyembikä beläzege”ndä sez alarnıñ Qazanğa kitkän qızların qaytardığız, dip citkerde anıñ süzlären İlsöyär İqsanova.

Söyembikä jurnalı xezmätkäre İlsöyär İqsanova nuğaylarnıñ bügenge xäle turında söyläde. Ästerxan yaqları tatarlarınıñ bügenge tormışı turında aldağı çığarılışlarıbıznıñ bersendä täqdim itärbez.

Mälikä Basıyr

XS
SM
MD
LG