Accessibility links

якшәмбе, 4 декабрь 2016, Казан вакыты 00:46

Bıyıl Xäyriä yılı ikänen beläsezme, yärdäm kürsätkänegez barmı?


Min pensionerlarğa häm studentlarğa ayaq kiemen buşqa tözätep biräm.

Kürşegä kiräk bulğanda bulışam, ägärdä kürsäm keşegä yärdäm kiräk ikänen, xäldän kilgänne eşlim.

Mäçetkä xäyer biräbez. Mäçet üze bülep tarata xäyriägä.

Älbättä, yärdäm itäm, qartlarğa, kibetkä yörim. Menä ike tuğan enemä operatsiä yasağannar ide yörägenä. Menä aptekağa kiläm, aña nindider bandaj kiräk ikän.

Yärdäm itü kübräk balalar yortına äyberlär iltü. Änilär belän balalar yortına kiemnär iltkänebez bar.

Etlärgä, pesilärgä üzemnän qalğannı biräm.

Avtobuslarda äbilärgä urınnar biräbez. Uramda torğan äbilärgä qayçaq aqça birem kitäm.

Keşelärgä yärdäm kürsätkänem bar tabip bularaq. Köndälek qabul itäm . Eş däverendä dä eştän soñ da, buşqa. Niçek inde awırudan aqça alasıñ?

Yärdäm itkänem bar. Ämma minem anıñ turında äytäsem kilmi. Keşelärgä belderäsem kilmi, yärdäm itkänne.

Min 1990-nçı yıldan birle bügenge köngä qädär xäyriä eşe belän şöğellänäm. Berençe min Aqtanış mäçetenä berençe etajğa kirpeçlär böten material alıp birdem. Ğäriplär yortına Derbıyjkağa, Qazanda küpme yärdäm ittem, üzem genä beläm. Artistlar turında söyläse dä yuq . Rafael' İl'yasovqa maşina büläk ittem, yubileyına. Gölzadağa büläk ittem. Häm başqalarğa. Küp artistlar mine äle dä xäterli.

İsemegezne äytäsegez kilmime soñ?

Min İlgiz Bariev, min tämäke fabrikasınıñ general' direktorı bulıp eşlädem bit. Xäzer kittem inde.

Xäyriä eşläre eşlärgä kiräkme?

Kiräk , bik kiräk.

Min 90-yıllarda, äle Yel'sin babay utırğanda uq äytkän idem, , biznesmennarnı salımnardan buşatırğa kiräk, dip. Şul waqıtta anı tormışqa kertergä kiräk ide. Şul çağında bälki tormış ikençeräk bulır ide.

Bügenge köndä deputatlar da türädä utırğan citäkçelär dä añladılar , biznesmennarnı salımnan buşatırğa kiräk. Niçek inde ul, menä keşegä yärdäm itäseñ: aña da yärdäm itäseñ, däwlätkä dä salım tüliseñ, ike nalog bulmıy, här eşkä ber genä nalog bulırğa tieş.

Mälikä Basıyr

XS
SM
MD
LG