Accessibility links

якшәмбе, 4 декабрь 2016, Казан вакыты 15:18

Säyäsätçeneñ qayğısı saylanu, xalıqnıqı - su


22 yüldә Tөrkiәdә parlament saylawları ütkәrelәçәk. Barlıq sәyәsi partiәlәrgә kandidatlıq өçen mөrәçәğәtlәr tәmamlandı kebek. Xakimiәttәge AK partiәgә 5 meñ keşe kandidat bulu өçen mөrәcәğәt itkәn. İkence zur talәp isә Millәtçe Xәrәkәt Partiәsenә aña da 4 meñ keşe mөrәcәğәt itkәn. Anavatan belәn Dөres Yul partiәlәre bergәlәşep saylawlarğa qatnaşırğa buldılar. Sul partiәlәr Cömhuriәt Xalıq belәn Demokratik Sul partiәlәre arasında isә berlәşü mәs`әlәsendә satulaşu dәwam itә. Tulayım alğanda bәlki dә iŋ küp 50-60 meñ keşe 550 urınlı parlamentta deputat bulu өçen mataşa.



İstanbul, Ankara, İzmir, Konya, Alanya, Antalya, Adana kebek millionlağan keşe yәşәgәn şәhәrlәrdә isә xalıqıñ tөp qayğısın bıyılda qış aylarında yawım bulmaw sәbәple xasıl bulğan qorğaqlıq, yәğni cәy aylarında susız qalu qurqınıçı tәşkil itә. 12 million keşe yәşi dip faraz itelgәn İstanbulda, şәhәrne su belәn tәэmin itkәn su buğalarınıñ 47 %-ında ğına su bar. Başqa süzlәr belәn әytkәndә kөnenә 2 million kubik metr sarıf itkәn İstanbulnıñ altı ayğa citәrdi suwı qalğan. Cәy aylarında esselek sәbәple su buğalarında totılğan sunıñ 65 million kubik metre dә yuqqa çığaçaq. Dimәk İstanbulda sular kiselәçәk, bilgele sәğәtlәrdә genә su birelәçәk. İstanbulda qorğaqlıq, susızlıq elektәn dә bula ide. İñ naçarı 1986 belәn 1994-nçe yılda buldı. Şunıñ nәticәsendә İstanbul Bөyek şәhәr bәlәdiyәse merlıq postında utırgan Nurettin Sөzәn merlek saylawların ottırğan ide. Inde xәzer AK partiәle Kadir Topbaş şuluq problema aldında qaldı.



Kadir Topbaş bez soñğı 100 yılnıñ iŋ zur qorğaqlığın kiçerәbez dip belderә. Ul İstanbul xalqına aftomaşinaların çilәkkә tutırılğan su belәn yuwarğa, yuwınğanda, qırınğanda, abdәst alğanda krannı gel açıq totmasqa, ker yuwı maşinaların tutırmıyça qullanmasqa, yullarnı yumasqa, baqçalarğa isә kiçen su sibәrgә digәn tәqdim kertep 200 meñ kubik metr kimerәk su sarıf itelgәn buluwın әytte. Inde mer mondıy çaralar belәn İstanbulnıñ sussızlıq problemasın çişәçәgen uylıy ikәn, añarğa өstәmә tәqdimnәr belәn yardәm itәrgә dә mөmkin. Aftomaşinalarnı yumasqa, kerlәrne yumasqa şәrә yөrergә, bit bolay da hava esse, abdәstne su urnına tәyәmmüm belәn alırğa, yәğni qullarnı tufraq yaki qomğa bәrep soñında yuğan kebek eşlәrgә. Bu praktik çara ğәrәp çüllәre өçen uylanılğan. Baqçalarda aşamlıq üsmәsә alarnı da sulamasqa. Keşe ayına ber yuwınsa ul da citәr. Bik sası islәr çıqmasın dip parfөm, yәğni islemay qullanırğa. Bit Fransuzlar şulay eşlәgәnnәr.



Qısqası 23-nçe İyüldәn soñ İstanbul, Ankara kebek zur xәtta keçe şәhәrlәrne citdi susızlıq qurqınıçı kөtә. Nigә 23-nnәn soñ çөnki AK partiәle bәlәdiәlәr parlament saylawlarınıñ ütkәrelüwen kөtәçәklәr.

Әxtәm İbrahim, İstanbul

XS
SM
MD
LG