Accessibility links

шимбә, 10 декабрь 2016, Казан вакыты 08:22

Volğa menän Ural arahında - Başqortostanda


Respublika prezidentı ,,Räsäy,, teleradiokompaniyahı general direktorı urınbaśarı-töbäk departamentı etäksehe Petr Zemtsov menän eşlekle osraşıu ütkärźe. Ul Başqortostanğa ,,Volğa menän Ural arahında,, radiojurnalında qatnaşıusılarźıñ käñäşmähenä kilgän. Osraşıuźa däülät vlası orğandarı häm kiñ mäğlümät saralarınıñ federal häm respublika kimälendä xeźmättäşlek mäsäläläre tikşerelde. Höyläşeü barışında bildäläneüensä, elektron kiñ mäğlümät saraları, atap äytkändä, televidenie häm radionıñ yämğiättä ähämiäte arta bara. Respublika prezidentı grajdanlıq yämğiäten buldırıuźa kiñ mäğlümät saralarınıñ möhimlegen bildäläp ütte. Petr Zemtsov äyteüensä, ,, Volğa menän Ural arahında,, radiojurnalında qatnaşıusılarźıñ bıl käñäşmähe Bötä Räsäy teleradiokompaniyahı sostavına ingän töbäk radiostatsiyalarınıñ ĞM yışlıqtarına küseüenä, ,,Räsäy radiohı,, kanalında tapşırıuźarźı arttırıuğa häm radiojurnaldıñ 50 yıllıq yubileyına äźerlekkä arnala. Başqortostan Prezidentı menän osraşıuźan huñ Petr Zemtsov ,,Volğa menän Ural arahında,, radiojurnalı käñäşmähendä sığış yahanı. Başqortostan däülät teleradioqompaniyahında uźğan käñäşmälä Başqortostan, Tatarstan, Sıuaşstan, Mariy El, Udmurtiya, Mordoviya, Komi Respublikaları häm Irımbur ölkäheneñ däülät teleradiokompaniyaları wäkildäre qatnaştı. ,,Volğa menän Ural arahında,, radiojurnalı 1958–se yıldıñ iyun ayında efir sıqqan. Oşo waqıttarźan alıp Tatarstan, Başqortostan, Sıuaşstan, Mariy El, Udmurtiya, Mordoviya häm Komi Respubliqalarınıñ ijtimaği–säyäsi tormoşon sağıldırğan radiojurnaldı tıñlausılar kötöp ala. Jurnal awtorźarınıñ fekerensä, här yäkşämbe berźäm mäğlümät dairähendä osraşıu kürşe töbäktärźe tağı la yaqınayta. Käñäşmälä Räsäy radiohı qanalınıñ üśeş mömkinlektärenä bäyle mäsälälär tikşerelde. Töbäk–ara proekttıñ kontseptsiyahın yañırtıu, radiojurnaldıñ yartı bıuatlıq yubileyına äźerlek mäsäläläre lä qaraldı. Yubiley yılında proekt avtorźarı Qazanda osraşırğa kileşte.

Rämzit Äbüläev, Öfö

XS
SM
MD
LG