BMO Keşe Xoquqları Şurasına Bosniä belän Sloveniäneñ saylanuınnan soñ bu Şurağa Belarusnıñ kerüenä qarşı bulğannar ciñel sulap quydı.
Tawış birülärdä şuşı 3 il arasında Belarus öçençe urınnı ğına aldı. 192 äğzadan torğan Ğömümi Cıyında Sloveniä 188 tawış aldı. Ikençe tawış birüdä Bosniä 112, ä Belarus 72 tawış cıydı.
Tawış birüdän soñ BMOdağı AQŞ ilçese Zalmay Xälilzad xäbärçelär aldında çığış yasadı.
"Belarus mäsäläse bezne ayıruça borçıy ide. Qayberäwlär xätta anı Yewropadağı soñğı diktatura dip tä atıy" dide Zalmay Xälilzad.
Belarus prezidentı Aleksandr Lukaşenkonı küplär saylawlarda xärämläşüdä, oppozitsiä aktivistların törmälärgä yabuda, bäysez mäğlümät çararaların awızlıqlawda ğäyepli.
AQŞ belän Yewropa Berlege Lukaşenkonı häm başqa yuğarı räsmilärne üzlärenä kertmi.
BMOdağı elekke Belarus ilçese Nenadz Buraukin Belarusnıñ bu şurağa kerü omtılışın yaşxı añlıym di.
"Belarus nigä bu şurağa kerergä teläde? Minemçä alar Belarusnı tänqitläwçelärgä "Sez bezne keşe xoquqları torışı öçen tänqitlisez, ämma xäzer bez BMO Keşe Xoquqları Şurasına alındıq" dip äytü öçen kerergä teläde'''' dide Buraukin.
Bäygegä Bosniä quşılğançığa qädär Şuradağı 2 urın öçen barı Belarus belän Bosniä genä köräşä ide. Belarusnıñ Şurağa kerü mömkinlegeneñ şul qädär zur buluı keşe xoquqların yaqlawçı törkemnärne çañ qağarğa mäcbür itte.
Küp kenä şundıy törkemnär, şul isäptän AQŞta terkälgän Freedom House häm Human Rights Watch oyışmaları Ğömümi Cıyınğa Belarusnı kire qağunı sorap möräcäğät itte.
Şundıy törkemnärneñ berse, Genevada terkälgän Watchnıñ başqarma mödire Hillel Neuer bez xökümätlärne keşe xoquqların bozuçılarnı ul şurağa kertmäskä çaqırdıq di.
"Bez Belarus xökümäte Keşe Xoquqları Şurasınıñ Belarustağı tikşerüçese belän xezmättäşlek itärgä telämi dip belderdek. Ägär sin ber oyışma belän anıñ ğadi genä ber möräcäğäte turında da xezmättäşlek itärgä telämiseñ ikän, niçek itep sin ul oyışmağa kerergä tırışa alasıñ" dide Neuer.
Neuer Belarusnıñ kire qağıluı öleşçä genä ciñü, keşe xoquqları torışı yaman bulğan Mısır, Angola häm Qatarnıñ şurağa kertelüe borçılu uyata di.
BMOnıñ Keşe Xoquqları Şurası bıltır mart ayında oyıştırılıp BMO Keşe Xoquqları Komissiäsen almaştırdı. Keşe xoquqları torışı naçar bulğan illärneñ ul komissiädä ber-bersen yaqlaw belän şöğellänüen säbäple komissiäneñ abruyı töşkän ide. Ämma yaña şura da bıyıl Mart ayında Iran belän Üzbäkstanğa iğtibarnı kimetüe belän tänqitkä duçar buldı. Neuer bu şurada da äğzalar ber-bersen yaqlap tawış birüne däwam itä di.
Bu tawış birülär näticäsendä Şuradağı 47 urınnıñ barısı da bilgelände.
Tawış birülärdä şuşı 3 il arasında Belarus öçençe urınnı ğına aldı. 192 äğzadan torğan Ğömümi Cıyında Sloveniä 188 tawış aldı. Ikençe tawış birüdä Bosniä 112, ä Belarus 72 tawış cıydı.
Tawış birüdän soñ BMOdağı AQŞ ilçese Zalmay Xälilzad xäbärçelär aldında çığış yasadı.
"Belarus mäsäläse bezne ayıruça borçıy ide. Qayberäwlär xätta anı Yewropadağı soñğı diktatura dip tä atıy" dide Zalmay Xälilzad.
Belarus prezidentı Aleksandr Lukaşenkonı küplär saylawlarda xärämläşüdä, oppozitsiä aktivistların törmälärgä yabuda, bäysez mäğlümät çararaların awızlıqlawda ğäyepli.
AQŞ belän Yewropa Berlege Lukaşenkonı häm başqa yuğarı räsmilärne üzlärenä kertmi.
BMOdağı elekke Belarus ilçese Nenadz Buraukin Belarusnıñ bu şurağa kerü omtılışın yaşxı añlıym di.
"Belarus nigä bu şurağa kerergä teläde? Minemçä alar Belarusnı tänqitläwçelärgä "Sez bezne keşe xoquqları torışı öçen tänqitlisez, ämma xäzer bez BMO Keşe Xoquqları Şurasına alındıq" dip äytü öçen kerergä teläde'''' dide Buraukin.
Bäygegä Bosniä quşılğançığa qädär Şuradağı 2 urın öçen barı Belarus belän Bosniä genä köräşä ide. Belarusnıñ Şurağa kerü mömkinlegeneñ şul qädär zur buluı keşe xoquqların yaqlawçı törkemnärne çañ qağarğa mäcbür itte.
Küp kenä şundıy törkemnär, şul isäptän AQŞta terkälgän Freedom House häm Human Rights Watch oyışmaları Ğömümi Cıyınğa Belarusnı kire qağunı sorap möräcäğät itte.
Şundıy törkemnärneñ berse, Genevada terkälgän Watchnıñ başqarma mödire Hillel Neuer bez xökümätlärne keşe xoquqların bozuçılarnı ul şurağa kertmäskä çaqırdıq di.
"Bez Belarus xökümäte Keşe Xoquqları Şurasınıñ Belarustağı tikşerüçese belän xezmättäşlek itärgä telämi dip belderdek. Ägär sin ber oyışma belän anıñ ğadi genä ber möräcäğäte turında da xezmättäşlek itärgä telämiseñ ikän, niçek itep sin ul oyışmağa kerergä tırışa alasıñ" dide Neuer.
Neuer Belarusnıñ kire qağıluı öleşçä genä ciñü, keşe xoquqları torışı yaman bulğan Mısır, Angola häm Qatarnıñ şurağa kertelüe borçılu uyata di.
BMOnıñ Keşe Xoquqları Şurası bıltır mart ayında oyıştırılıp BMO Keşe Xoquqları Komissiäsen almaştırdı. Keşe xoquqları torışı naçar bulğan illärneñ ul komissiädä ber-bersen yaqlaw belän şöğellänüen säbäple komissiäneñ abruyı töşkän ide. Ämma yaña şura da bıyıl Mart ayında Iran belän Üzbäkstanğa iğtibarnı kimetüe belän tänqitkä duçar buldı. Neuer bu şurada da äğzalar ber-bersen yaqlap tawış birüne däwam itä di.
Bu tawış birülär näticäsendä Şuradağı 47 urınnıñ barısı da bilgelände.