Accessibility links

Кайнар хәбәр

Britaniä Premier Ministrı, kötelmägän säfär belän Ğiraqqa kilde


Bäğdad Britaniä Premier Ministrı, Tony Blair, Ğiraqqa kötelmägän säfär belän kilde. Ul, Ğiraqta tuqtawsız mäzxäb-ara bäreşlär sürätendä tınıçlıq urnaştıru turında il Prezidentı Cälal Tälabani häm Premier Ministrı Nuri äl-Maliki belän söyläşte.

Söyläşülärdäñ soñ ul matbuğat wäkilläre belän oçraştı. Blair söyläşülär ütkärgän xökümät binası utqa totılğan ide. Matbuğat oçraşında ul moña ğacäplänmäwen belderde.

“Raketa häm terorist höcümnäre här kön bula, bu çınbarlıq. Mäsälä, bu höcümnär belän oçraşqanda bezgä ni eşlärgä? Bu höcümnär mondağı täraqqiätqä zıyan kiterergä telägän azçılıq tarafınnañ başqarıla. Bezneñ cäwabız şul bulır, bez alarğa monı eşlärgä birmibez. Bu höcümnärneñ, bomba şartlatularınıñ häm raketa höcümnäreneñ töp maqsatı, sez jurnalistlärnı monda barğan täraqqiätne çittä qaldırıp, fäqat bu höcüm waqiyğaları turındağına söylärgä etärü”

Blair shul uq waqıtta, 2003nçe yılda Ğiraqqa Britan xärbilären cibärü qararınıñ döreslegendä şiklänmäwe xaqında da äytte. Britaniä premyer ministrı Blairneñ bu säfäre, anıñ bu wazifada Ğıraqqa yasağan soñğı säfäre bulır dip kötelä. 27nçe yündä ul 10 yıl başqarğan wazifasınnan kitärgä ciyına. Anıñ wazifasıñ Finans Ministrı Gordon Brown däwam itteräçäk.

Metin KARISMAZ
XS
SM
MD
LG