Accessibility links

сишәмбе, 21 февраль 2017, Казан вакыты 19:44

Bäysez matbuğat Samardağı sammit turında


“Novıye izvestiä” maynıñ 15-dä Yevgeniä Zubçenkonıñ “Minem arttan haman küzätü alıp barıla” isemle yazmasın bastırdı. Şul uq sanda Kira Vasil''yevanıñ: “Militsiäneñ ğämälläre Sovet çorındağıça” isemle yazması da urın alğan. İke avtor ber ük närsä turında yazalar häm, äytergä kiräk, Samarda uza torğan sammit aldınnan oppozitsiädäge basma jurnalistların qulğa alular, waqıtlıça yabıp torular küplär söyläwençä döreslekkä turı kilä.

Saqlanu çaraları köçle quyılğan. 18 may könne hättä balalar baqçalarınnan, mäktäplärdän balalarnı köndezge säğät 12-gä qädär alırğa ämer birelgän. Küräseñ bu zur saqlıq qänäğätsezlek marşınıñ kötelmägän zur buluınnan şiklänü bulsa, ikençese comğa könne şähärgä Rusiä prezidentı Vladimir Putinnıñ da kerep çığuı mömkin digän versiä bar, xättä 132-nçe mäktäpne qarawı ixtimal, dilär. Jurnalistlarnıñ zakon turında yazuları yılmayu uyata. Äyterseñ lä, alar qaysı ildä yäşägännären onıtıp cibärälär. Rusiädä här militsioner üze zakon çığara häm üz tınıçlığınıñ faydasına. Läkin dä Mäskäw jurnalistları yazuınça, Samarda andıy şöbhälıq yuq, atlağan sayın keşe qapşawçılar da yuq. Samarnıñ aq yortı qarşında qır qadär mäydanda xalıq bala- çağası belän mäş kilep yal itä, kemder Maerikadagıyça yäşel ülän östendä aunıy, yegetlär- qızlar çır- çu kilep köpçäkle timerayäkta şua.

Älbättä inde Yevgeniä Zubçenkonıñ : “Cirle keşelär sammit qunaqlarınıñ qurqınıçsızlığın tä''min itü yözennän pomidor, yomırqa, tort satunı tıyunı täqdim itälär, çönki bu rizıqlarnı ikençe maqsatta qullanuları bar”,- dip yaza Zubçenqo. Monısı inde, älbättä,säyer uqıla. Kibetlär, bazarlar bu rizıqlar belän tulı, häm teläsäñ, qapçıqlap al.

Kira Vasil''yeva üz yazmasın: “Теперь русские люди не готовы покорно помалкивать, когда государство ущемляет их права”,- süzläre belän tämamlıy. Xäzer rus keşeläre baş iep, tel teşläp torırğa äzer tügellär, qayçanda qayçan däwlät alarnıñ xoquqların qısa”,- di avtor.

Berençedän, ni öçen Vasil''yeva tik rus keşesenä genä möräcäğät ikän soñ? Bügen Samar uramnarı könçığış şähären xäterlätä, qaya qarama slavyan çıraylılar sirägäyä bara. İkençedän, gubernatorlarnı saylap quyu xoquqın tartıp alğaç, şul uq rus xalqı awızın da açmadı.

Äye, Samarda militsiä xezmätkärläre bermä-ber kübäyde, tönnären tınıçraq, tik menä bu tärtip sammit könnärendä genä küzätelüe küñelgä borçu sala. Şulay da, Samarnı Qazannıñ 1000 yıllığında şikelle çegännärdän häm ata xäyerçelärdän çistarta almadılar.

Şamil Bahautdin, Samar

XS
SM
MD
LG