Accessibility links

җомга, 9 декабрь 2016, Казан вакыты 14:36

Öfögä neft häm ğaz sänäğätseläre yıyıldı


Bögön Öfölä Räsäy neft sänäğäte xeźmätkärźäreneñ 7-se qongressı häm ,,Gaz. Neft. Texnoloğiyalar-2007,, tip atalğan xalıq-ara maxsuslaştırılğan kürgäźmä eş başlanı. Bıyılğı saranı oyoştorousılar ,,Başqort nefteneñ 75 yıllığına,, häm Başqortostandıñ Rus däülätenä quşılıuınıñ 450 yıllıq yubileyına arnap ütkärergä qarar itkän. ,,Gaz. Neft. Texnoloğiyalar 2007,, kürgäźmähendä Räsäyźeñ 30 töbägenän 350 - nän aşıu oyoşma, firma qatnaşa. Oyoştorou qomitetınan xäbär iteüźärensä, Gaz.Neft qongressı Räsäy töbäktärendä lä, sit ildärźä lä źur qıźıqhınıu uyata. 350-nän aşıu oyoşmanıñ 40–ı sit il firmaları. Forumğa kileüse räsmi deleğatsiyalar źa baytaq. Sit ildär ilseläre neft, ğaz qongressın Başqortostan menän sauźa–iqtisadi bäyläneştärźe yayğa halıu, mönäsäbbättärźe yañı kimälgä kütäreü mömkinlege tip tä bahalay. Başqortostan Xökümäte Premer–ministrı Rafael Baydäülätov Ukraina, Vetnam ilselären, şulay uq Räsäy sauźa sänäğät paltahınıñ vitse–prezidentı menän osraşıp, ike yaqlı xeźmättäşlekte artaban üśtereü yuldarı buyınsa höyläşeüźär ütkärźe. Mäğlüm bulıuınsa, Neft ğaz qongressı ike yılğa ber ütkärelep kilä Forum neft, ğaz ölkähendäge yañılıqtar menän genä tanıştırıp qalmay, unda qatnaşıusılar ösön Başqortostanda eşlekle partnerźar tabırğa la bulışlıq itä. Ukraina menän Vtnam ilseläre Başqortostan Xökümäte Premer–ministrı menän osraşıuźa forumğa ular täü siratta Başqortostan menän sauźa–iqtisadi bäyläneştärźe yayğa halıu niäte menän kileüen belderźe. Yaqtar älege tauar äyläneşen qänäğätlänerlek tip bahalap bulmay tip iśäpläy. İqtisadi potentsial tulı qeüätenä fayźalanılmay. Ä bınday märtäbäle forumdar xeźmättäşlekte yañı yuśıqqa sığarıuğa nıqlı etärges birä.

XS
SM
MD
LG