Accessibility links

җомга, 9 декабрь 2016, Казан вакыты 18:28

Yuvropa tözekländerü häm üseş bankı Qazanğa kredit biräçäk


Düşämbe kiç Yuvropa tözekländerü häm üseş bankı idäräçelär urası utırışı belän bäyle çaralar tögällände. Şuña da qaramastan qunaqlarnıñ barısı da äle qaytıp kitärgä aşıqmıy. Tatarstan Xökümätendä uzğan matbuğat oçraşuında säwdä häm tışqı bağlanışlar ministrı Xafiz Salixov, 3 könlek çarağa näticä yasap, äle dä törle oçraşular däwam itä dip belderde. Barlıq oçraşular tögällängäç, isä atna däwamında inde iñ tögäl näticälär bilgele bulaçaq.

16 yıl elek demokratik bazar iqtisadına küçügä yärdäm itü öçen oyıştırılğan Yevropa tözekländerü häm üseş bankı idäräçeläreneñ bıyılğı utırışı da tämamlandı. Xäzerge waqıtta älege bank 29 ildä xezmät kürsätä. Qazanğa da şunıñ wäkilläre häm älbättä inde eşmäkärlär kilde. Märkäzebez 3 kön buyı qaynap tordı. Döresen genä äytkändä, küpme qunaq kilüen dä äytüe şaqtıy awır ide berençe könnärdä. İnde çaralar tögällängäç, Ministrlar Kabinetında uzğan jurnalistlar belän oçraşuda Tatarstan säwdä häm tışqı iqtisadıy xezmättäşlek ministrı Xafiz Salixov, dönyanıñ 69 ilennän häm Rusiäneñ 39 töbägennän 2 meñ 300дән artıq qunaq kilgän ide dip belderde. Barlıq waqiğalarnı isä 320 jurnalist yaqtırtqanın äytte.

Düşämbe könne “Korston”da uzğan bu çaranıñ yabılu tantanasında isä Yevropa tözekländerü häm üseş bankı citäkçese urınbasarı Varel Friman uzğan çarağa yuğarı bäya birep, Tatarstan anıñ däräcäsen tağın da kütärde dip bilgeläp uzdı. Varel Friman:

Bu çaranı oyıştırğan öçen - Rossiä, Tatarstan citäkçelegenä, Qazan xakimiätenä ayıruça räxmätlebez

Varel Friman barlıq uzğan çaralar berençe çiratta xalıq tormışın yaxşırtu maqsatınnan küzdä totılıp eşlänüen äytte. Varel Friman:

Ägär xalıq tormışın yaxşı yaqqa üzgärtmäsäk, bezneñ eşebezneñ bernindi näticäse bulmayaçaq. Monda yasalğan çığışlardan, bez nindi problemalar barlığın beldek häm konstruktiv räweştä alarnı xäl itärgä tırışaçaqbız Bank eşçänlegeneñ töp burıçı – xalıqnıñ tormış şartların yaxşı yaqqa üzgärtü

Yevropa tözekländerü häm üseş bankı citäkçese urınbasarı Varel Friman ayırım alğanda, utırış barışında 3 kredit kileşüe imzalanuın belderde. Anıñ iñ möhime möğayın Qazandağı “Vodokanal” şirkäte beländer. Aña 10 million evro kredit bireläçäk. Dimäk, tizdän iskedän iske torbalar yañartılır dip ömetlänäse qala. Alay da ministr Xafiz Salixov töp kileşülär älläni küp bulmadı dide. Xafiz Salixov:

Äle tulı näticä yasap betermädek, bik küp oçraşular buldı, ayırım alğanda 200ләп şirqat wäkilläre belän söyläşülär oyıştırıldı.

Kiläse yılğa isä Yevropa tözekländerü häm üseş bankı idäräçeläreneñ yıllıq utırışı Ukrainanıñ Kiev şähärendä ütäçäk.

Anda isä banknıñ yıllıq tabışı totılaçaq proyektlar imzalanaçaq. Çönki Qazandağı utırış azağında bank citäkçese Jean Lemieree jurnalistlar belän matbuğat oçraşuında, banknıñ kereme 2006нчы yılnı 60 protsentqa üsüen äytte häm xäzer anı qayda qullanuı qarala dide. Qayber bank idäräçeläre anı xäyerçeräk illärgä yärdäm itü öçen totu kiräk dip beldergän.

Ğomumän, kiläçäktä bank üz maqsatı itep ipoteka kreditın birü häm munitsipal' berämleklär belän eşläwne küzallıy. Häm kübräk Rusiä, Ukraina, Kavkaz, Üzäk Aziä belän eşläwgä basım yasarğa uylıy. Bu xaqta Qazanda uzğan çaralar waqıtında äytelep kilde.

Landış Xarrasova

XS
SM
MD
LG