Accessibility links

пәнҗешәмбе, 8 декабрь 2016, Казан вакыты 13:04

Başqortstan neft' tarmağı yubileyı


Başqortstan neft' sänäğäte tarmağı üzeneñ 75 yıllıq yubileyın bilgeli. Şuşı uñaydan comğa könne Ufada bäyräm çaraları başlanıp kitte. Töp tantana- başqalanıñ Neft'çelär mädäniät sarayında ütte. Anda respublika citäkçeläre dä qatnaştı. Şulay uq äle genä Ufada tämamlanıp toruçı “Neft'.Ğaz.Texnologiälär” Kongressı häm anıñ qısalarında oyıştırılğan xalıqara kürgäzmä qunaqları da çaqırıldı anda.

Bäyräm kiçäsendä Başqortstannıñ neft' sänäğäte tarmağı üseşe xaqında baytaq mäğlümatlar birelde. Başqortstan Premyer-ministrı Rafael' Baydäülätov süzlärençä, neft' çığaru küläme buyınça, Başqortstan Rusiädä altınçı urında kilä. Äle yılına 12 million tonnağa qädär neft' çığarıla. Neft' eşkärtü tarmağı da moña qädär gel aldınğılardan buldı. Soñğı yıllarda Başqortstannıñ üzendä neft' az külämdä çığarıla, nigezdä, Seber taraflarında eşläwçe yaqtaşlar taba ul neft'ne. Şuña da respublika Xökümäte başlığı Rafael' Baydäülätov Seber neft’en çığaruçı başqortstanlılarğa räxmäten citkerde häm neft' baylığı citärlek äle dip ışandırdı.

Başqortstan Premyer-ministrı Rafael' Baydäülätov süzlärençä, neft' baylığı citärlek. Şulay da belgeçlär fikerençä, bu alay uq tügel. Xätta äle çığarıluçı neft' küläme dä aldağı yıllarda tağın da kimi töşäçäk, dip belderä alar. Şunısı da bar – xäzer Başqortstan neft' tarmağı “Gazprom” qaramağına küçep betep bara. Ä anıñ citäkçeläreneñ kiläçäktä nindi yünäleştä eş alıp baraçağın farazlawı awır.

XS
SM
MD
LG