Accessibility links

якшәмбе, 4 декабрь 2016, Казан вакыты 13:09

Ukrainada säyäsi kierenkelek tağın da arta bara


Eçke eşlär ministrlığınıñ 2 meñnän artıq xärbie ministrlıq färmanına buysınmıyça Kievqa kiterelä. Alar premyer ministr Viktor Yanukoviç belän söyläşülär ütkärüçe prezident Viktor Yuşçenkonı yaqlıy. Eçke eşlär ministrlığı äytüençä bu köçlär Yuşçenkoğa tuğrılıqlı general leytenant Oleksandr Kixtenkoğa buysına.

Eçke eşlär ministrı Vasil Tsuşko bügen Kievta xäbärçelärgä alar ministrlıq färmanına buysınmıy häm monıñ öçen alarnıñ citäkçese cawapqa tartılaçaq dide.

"Ägär dä eçke ğäskärlär citäkçelege üz östenä cawap alıp ğäskärlärne quzğatqan ikän ul çawap ta biräçäk. Älegä, tağın ber märtäbä äytäm, minem ber genä soldatnı bulsa da küçerü turında qarar, imzam yuq. Min monıñ öçen cawap birmim. Ğäskärlärne kem quzğatqan – şul cawap birä" dide Tsuşko.

Tsuşko şulay uq ğäskärlärne küçerü öçen bernindi qanuni nigez yuq dide.

"Beräregez tärtip urnaştıru öçen Kievqa eçke ğäskärlärne kertü zarurlığı bar, tärtipsezleklär başlandı dip äytä alasızmı? Sez alay äytä almıysız. Min dä äytä almıym. Şuña kürä min ul ğäskärlärneñ nigä, nindi maqsat belän kilüen belergä tieşmen. Künegülärgä kilälärme, qaya kilälär" dide Tsuşko.

Prezident Yuşçenkonıñ berektäşe, Däwlät Iminlege Şurası başlığı Ivan Plüç prezident ul ğäskärlärne baş prokuratura idaräsen häm konstitutsion mäxkamäne saqlarğa kitertä dide. Bu ike oyışma Yuşçenko belän Yanukoviç arasında köçäyä baruçı säyäsi karşılıqta möhim qoral bulıp tora.

Bu atnada Prezident baş prokuror Svyatoslav Piskun ber ük waqıtta baş prokuror da parlament äğzası da bula almıy diep Piskunnı baş prokuror wazıyfasınnan aldı. Şunnan soñ eçke eşlär ministrlığı wazıyfasınnan kitärgä telämäwçe Piskunnı saqlarğa maxsus köçlären cibärde.

Kiçä Yuşçenko eçke eşlär ministrlığı köçlären üz qaramağına küçerergä quştı.

Yewropa Berlege, Rusiä häm Quşma Ştatlar Ukrainada köç qullanılu mömkinlegenä borçılu belderä.
XS
SM
MD
LG