Accessibility links

җомга, 9 декабрь 2016, Казан вакыты 09:00

Qısqa dulqınlı radioalğıç ezläp kibettä yörü


Böten tatar dönyası tıñlağan “Azatlıq” radiosınıñ Pragadan tapşırılğan 1 säğätlek töp programması 1 marttan Tatarstanda häm İdel buyı töbäklärendä FM dulqınnarında işetelmi başlağaç, küplärneñ Azatlıq tapşıruların tıñlaw mömkinlege çiklände , kemder radioalğıçnı yabıp quyıp, Azatlıq tawışın onıttı, ikençelär, bu radionı tıñlaw teläge belän qısqa dulqınlı radioalğıçlar ezli başladı. Alarnı qaydan häm niçek satıp alıp bula mikän . Menä şuşı mäs’älägä açıqlıq kertergä tırışıp , bez Qazan şähäre kibetlärenä çığıp kittek.

Qazanda Xösäyen Yamaşev uramında Ciñü parkı tuqtalışında urnaşqan Park House dip atalğan bik zur säwdä kompleksı eşli başlağan ide. Şunda “Texnosila” kibete bar . Bez xäzer şunda yul alıyq äle.

Häm aldağı söyläşü inde şul kibet eçendä baraçaq. Anda bezne satuçı Rişat Xaliullin qarşı aldı.

Xäzer bezdä qısqa dulqınlı radioalğıçlar berniçä genä qaldı. SW dip yazılğanı 990 sumlıqları bar. “Tomson” digäne 2590 sumlığı, 11 metrlı dulqınnan başlap 120 metrğa qädär . Nemetskaya firma, sifrlı, bik yaxşı cıelğan. Knopkağa basasıñ, quyasıñ kiräkle yışlıqqa, häm tıñlıysıñ . Ezläp cäfalanmıysıñ. Batareya quyasıñ, Qazan waqıtı belän kiçke säğät 19.00-20.00 qädär 25 metrnıñ 11.875 quyasıñ häm tıñlıysıñ. Totabız . Ämma kibet eçendä naçar qabul itä.

“ Azatlıq” söylägäne, işetelep qaldı,

- Ämma signallar bik tübän. Ä menä teläsä nindi rus radioları, alar köçle dulqınlarda söylilär, häm yaxşı işetelälär. Ğomumän , radiolar xäzer törle FM dulqınnarında yaxşı işetelä. Tatar radiosı da menä yaxşı işetelä. -İñ yaxşı radiolar qaysı zavodnıqı?

-Fillips, Tomson , Grindik, Panasonic.

-Qaylarda eşlilär alarnı ?

- Kübese Qıtayda cıyıla.

- Qazanda çığamı soñ ?

- Belgänemçä, Qazanda yuq .

- Rusiädä iñ yaxşı radiozavod qayda ?

- Äytä almıym.

Radiolarnıñ kübese xäzer FM , АM dulqınında. Azatlıqnı da FM dulqınında birsälär, äybäträk bulır ide. Lyuboy priemnikta bar FM dulqını.

-FM dulqınında Azatlıq üzeneñ tapşıruın birä ul , Daydjest formasında 20 minutlıq qına , ämma xalıq anıñ 1сәгатьлек tulı programmasın işetäseläre kilä. Ul 4 tapqır qabatlana.

Menä şulay, Texnosila kibete satuçısı Rişat Xaliullin äytüençä, Azatlıq radiosın SW-2 qısqa dulqınnarda tıñlar öçen bu kibettä radioalgıçlar bar ikän. Tik kilep alırğa ğına qala. Häm alarnıñ bäyäläre dä bu kibettä 990 sumnan alıp, 2590 sumğa qädär. Ä bälki başqa kibetlärdä oçsızrağı bardır, tik ezlärgä genä kiräk.

Mälikä Basıyr

XS
SM
MD
LG