Accessibility links

якшәмбе, 11 декабрь 2016, Казан вакыты 14:59

Matvienkoga höcüm äzerlängänme?


Ber atnalap elek televideniedä, matbuğatta şähär gubernatorı Valentina Matvienkoga höcüm äzerläwçelär qulğa alındı digän xäbär bulğan ide.Totqarlanuçılarnı başta Leningrad ölkäsendä yäşäwçe möselmannar digän idelär.Kiçä "Rosbalt.ru" da "V poquşenii na Matvienko obvinyayutsya tatarı-islamistı"digän material çıqtı.İmeş, Valentina Matvienkoga höcüm äzerläwçelär -26-27 yäşlär tiräsendäge ike tatar yegete, Peterburgta küptän töplängännär, üzlären xaq möselmannar dip sanağannar,mäçetkä , anda çın islam yuq dip, siräk yörgännär, şähärdäge möselman oyışmalarınıñ bersen saylap, şunda yörgännär. Xäzer alar FSB izolyatorında.Alarnı äti-äniläre yortınnan yıraq tügel urında totqarlağanda yegetlärneñ üzläre belän granatalar häm plastit bulğan, imeş.FSB xezmätkärläre yegetlär artınnan küptän küzätkän bulğannar, çönki yegetlärneñ berse, tanışları belän söyläşkändä, gubernatornı şartlatu turında süz ıçqındırğan di.

Peterburg möselmannarı bu xaqta ni uylıy ikän?

Rinat Väliev : Matvienko möselmannarğa ber naçarlıq ta eşlämäde,möselmannarnıñ Matvienkoda eşe yuq, bigräk tä ölkä möselmannarınıñ.Annan kem inde uramda kesäsenä granata salıp yöri? Bu -prezident saylawları aldınnan oyıştırılğan ber aksiä ğına.Min moña ışanmıym.

Yäş yeget Timur da şundıy uq fikerdä.Dagstannan kilgän möselman keşese dä:" Bernindi dä höcüm äzerlänmägän. Däwlät çinovnikları üzläre dä ele ber närsä, äle ikençe närsä söylilär.

Peterburg cämiğ mäçeteneñ imam-xatibı yärdämçese Rawil Pançeev bu xäbärgä kommentariy birüdän baş tarttı:"Bezgä berkem dä möräcäğät itmäde, östäp berni dä äytä almıym. Mäçetkä yöremägäç, alarnı niçek möselman yäki islamist dip äytep bula", - dide Rawil Pançeev.

Gölzadä Kamalova, Sankt-Peterburg

XS
SM
MD
LG