Accessibility links

якшәмбе, 4 декабрь 2016, Казан вакыты 13:18

Sankt-Peterburgda tuy yolaları niçek uza?


Globalizaiä çorında här xalıqnıñ üzenä genä xas bulğan matur yolaları, ğöref-ğadätläre äkrenläp onıtıla, betä bara.şul isäptän tuy yolaları da.Qayçandır tatarlarda tuylarnı ğömergä istä qalırlıq bäyräm itep ütkärgännär.Bügenge köndä isä tuy küp oçraqta"äçe-"ğorqo!"qıqıra torğan eçü mäclesenä qaytıp qala.Şulay da, bäxetkä qarşı, bu yolalarnı belgän, yäşlärebezgä citkeregä telägän keşelärebez bar äle.

Küptän tügel Rusiä milli kitapxanäseneñ milli ädäbiätlär bülegendä tatar tuylarına bağışlanğan kiçä uzdı. Kronştadta yäşäwçe Nailä apa Şihapova tuy yolaları turında täfsilläp söyläde..Aña küptän tügel öyläneşkän yäşlär Al'bina belän İldar yärdäm itep tordı.Yäş kilen belän kiäw rolen uynap.

Ulların öyländerü, qız birü tatarlar öçen bik citdi adım bulğan, alar tuğanlaşası ğailäne bik uylap qına saylağannar.Anıñ qarawı, tuylar bik küñelle uzğan, törle uyınnar, yurawlar, sınamışlar bixisap bulğan. Äytik, çäk-çäk, göbädiä eçenä yözeklär salınğan.

Qız yäki yeget göbädiäne kiskän çaqta yözek alarğa çıqsa,bu alarnıñ bäxetle bulaçağın añlatqan.Ägär ata-analarına çıqsa,alar yäşlärgä matur teläklär telägännär.

Yegetneñ änise kilengä alyapqıç büläk itkän. Yäş kilen şul alyapqıçın kiep qunaqlarğa çäy yasarğa tieş bulğan .Qunaqlarnıñ "alyapqıçnı kem büläk itte" digän sorawına İldarnıñ änise dip tügel,ä äniem dip cawap birsä, kesäsenä aqça salğannar.

İnde onıtılıp barğan "kiäw pilmäne" turında:pilmän eçenä yözem, sädäf, taş, borıç häm başqa närsälär salınğan.Kemgä närsä çığa-monısı inde törle töbäklärdä törleçä yuralğan. Taş çıqsa, mäsälän, kiäwneñ qatı tellegenä yäisä qatı xolıqlılığına işarä bulğan.

Kitapxanäçe Aziä Niğmatullina bu kiçägä xalqıbıznıñ ğöref-ğadätlärenä, yola, bäyrämnärenä arnalğan kitaplar kürgäzmäse dä oyıştırğan ide.Ul kilenneñ xolıq-fiğılen, uñğanlıq- yalqawlığın tikşerä torğan sınamışlarnı uqıp işetterde, törle töbäklärneñ tuy cırları ürnäkläre belän tanıştırdı.

Äytkänemçä, kilen rolen Älmät qızı Al'bina İşmorzina uynadı.Ul injenerlıq- iqtisat institutında uqıy häm İslam dinen, mädäniäten tergezü fondında tatar tele däresläre alıp bara.Bulaçaq tormış iptäşe İldar belän Lev Gumilev kiçäsendä, Al'bina yaña uquçılar cıyğan waqıtta tanışqannar.Niqaxnı Älmättä barlıq şartın kiterep uqıtqannar, ä tuynı inde Peterburgta rusça-tatarça yasağannar: dus qızları-yegetläre arasında ruslar küp bulu säbäple

Gölzadä Kamalova, Sankt-Peterburg

XS
SM
MD
LG