Accessibility links

якшәмбе, 11 декабрь 2016, Казан вакыты 13:01

Cirle parlament räise Boris Zotov Sember jurnalistları belän oçraştı


Boris İvanoviç başta İlbaşı Putinnıñ yıllıq yullamasına şäxsi mönäsäbäten belderde: “Bu yullamanı säyäsi wasıyätnamä dip añlaw döres bulmas, asılda, İlbaşı xalıqnı borçığan problemalarğa iğtibar yünältte”, - dide ul. Anıñ fikerençä, tuzğan toraq häm yullar salu xästärlege federal' qazna xisabına bulırğa tieş. Moña qädär ölkä yulların tieşle sıyfatta totunı Yul fondı xisabına üzebez başqara kildek. Xäzer isä bu fond ta beterelde, aqça, nigezdä, Mäskäwdä tuplana.

Cirle parlament räise äytüençä, ölkäneñ iqtisadi xäle yaxşıra bara: İdelbuyı Federal' okrugında iñ yaxşı 5 töbäk sanına keräbez ikän. 2 – 3 yıl elek 14-15-nçe urınnarda ğına idek. Qısqa ğına waqıt eçendä ölkä iqtisadına 4 milliardqa yaqın investitsiä kertelde, dide Boris İvanoviç. Ul cegärle tatar eşmäkärlären dä telgä aldı. Äytik, Räxim Kamaev kredit yärdämendä taşlandıq xälgä töşkän fermanı ayaqqa bastırğan. Ä Yaña Malıqlı rayonınıñ buş yatqan cirlären Serğaç yağı yegetläre qullanışqa kertkännär.

Boris İvanoviç başqa möhim mäslärgä dä tuqtaldı: awıl cirendä eşsezlek arta bara, demografik krizis däwam itä, xatın-qızlar bala tabuğa aşqınıp tormıylar, Semberdä balalar baqçasına çiratnıñ zur buluı, xalıqnıñ otışlı uyınnar belän mawığuı… Mäläkästä xätta, fatirların ottırıp, suqbay xälenä töşkän pensionerlar da terkälgän.

Yomğaq süzendä parlament başlığı İlbaşı Putinnıñ öçençe märtäbä saylanırğa telämäwenä, dimäk, Konstitutsiäne bozmawına yuğarı bäya birde.

XS
SM
MD
LG