Accessibility links

дүшәмбе, 5 декабрь 2016, Казан вакыты 03:40

İleştär näśel ağasın tergeźä


Bında rayon kimälendä şäjärä bayramı ütte. Ürge Yärkäy ergähendäge mayźanda oyoştorolğan bayramğa bik küp xalıq yıyılğaynı. Oyoştorousılar bını xalıqtıñ üź asılına qayta barıuı, milli üźañı uyanıuı menän añlata. Başqort xalqınıñ iñ sağıu yolalarınıñ berehe, ütkändär menän xäźerge tormoş osraşqan bayramğa üź tarixına, ata–babaları tormoşona bitaraf bulmağan här kem yıyıldı. Bigeräk tä yäştärźeñ tarix menän qıźıqhınıuı qıuanıslı, ti oyoştorousılar. İleş xalqına oşonday saranı oyoştorou ösön tarix töpkölön barlap bik küp eştär başqarırğa tura kilä. Ololar xätiräläre, arxivta tabılğan mäğlümättär bılar bötähe lä ırıu ağasın töźörgä yarźam itä. İleş xalqı 8 yöźgä yaqın bıuındar ağasın töźöy. Här ğailä üź näśeleneñ käm tigändä lä un bıuının asıqlauğa ireşä. Qayhı beräüźär 30–sı bıuınına tiklem barıp etkän. İleş xalqı şäjärä bayramı menän ber rättän, kilgän qunaqtarğa başqort xalqınıñ başqa bik küp yolaların da säxnäläşterep kürhätte.

XS
SM
MD
LG