Accessibility links

җомга, 9 декабрь 2016, Казан вакыты 01:12

BMO Iminlek Şurası Xalıqara Liban Mäxkämäsen tözärgä qarar qıldı


BMO iminlek şurası, Elekke Liban Premyer ministrı Rafiq Haririne üterüdä şiklänelgän keşelärne tabu öçen Xalıqara mäxkämä oyıştıru qararına tawış birde. Mäxkämä qararı 10nçı iyündä üz köçenä kerä. Hariri belän bergä 22 keşe 2005nçe yılnıñ Fevral ayında bomba şartlawı näticäsendä üterelgän ide. Bu waqiyğada Suriä ğayeplänä.

Qarar 10 tawış belän qabul itelde. Rusiä, Qıtay, Könyaq Afrika, İndoneziä häm Qatar tawış berüdäñ totılıp qaldı. AQŞnıñ BMOdağı wäkile Zalmay Xalilzad qarardañ soñ yasağan belderüendä bolay dide:

“Bu qararnı qabul itü belän, şura Libanda yäisä bütän cirdä, säyäsi cinayätçelektäñ qaçış yuq digän qağidäğä ni qadär bäyle ikänen tağın ber qat kürsätte. Rafiq Haririne häm başqalarnı ütergän keşelär xökemgä tartılaçaq.” Britaniä wäkile Emyr Jones Parry, bu qararnı, Liban eçke säyäsätenä tıqşınu bulmawına basım yasadı.

Bu, möstaqil ber däwlätneñ säyäsi eşlärenä tıqşınu tügel. Bu qarar, Liban xökümäteneñ körçekkä terälgän mäsälälärne çişär öçen üze sorağan qarar”.

Bu möğamälä belän barlıq wäkillär dä känäğat tügel, Rusiäneñ BMOdağı wäkile Vitaly Churkin, bu Libannıñ möstaqillegen bozu tırışlığı bula dide.

“Bu qanun, xalıqara qanunnar küzlegennän qarağan waqıtta bik küp soraw tudıra. Bu kileşü ägär ike yaq tarafınnañ da xuplanmasa, anı tormışqa aşıru mömkin bulmas.”



BMOnıñ cinayättäñ soñ yasağan tikşerü näticäläre, Suriä belän Liban iminlek köçläreneñ höcümdä qatnaşqan dip kürsätä. Suriä cinäyatçelekkä qatnaşu ğayepläwlärne kire qağa.

BMOdağı Suriä ilçese kiçä bulay beldergän ide:

Bu qararnı äzerlägännär, anıñ näticälären dä küzallarğa tiyeş ide. Läkin bu Liban häm anıñ xalqı mänfäğatenä qarşı kilä. “ Suriä Prezidentı Başar äl-Äsad, şiklänelgän keşelär Suriädä xökemgä tartılaçaq, alarnı urtaq mäxkämäğä cibärmiyäçäkbez dip belderde.

Xazer Liban bu täqdimne 10nçı yüngä qadär raslarga tiyeş yäisä bu mäxkämäne İminlek Şurası üze citäkliyäçäk.Libannıñ könbatış yaqlı säyäsätçeläre bu adımnı xuplasa da bu qarar Libandağı barlıq yuğarı säyäsätçelär arasında yaqlaw tabır digän ixtimal az.
XS
SM
MD
LG