Accessibility links

сишәмбе, 6 декабрь 2016, Казан вакыты 05:58

Lugovoy: Litvinenko ülemendä Mi6, Berezovskiy yäki rus mafiäse ğäyeple


Elekke KGB xezmätkäre Aleksandr Litivnekonıñ ülemendä töp ğäyeplänüçe şäxes, eşmäkär Andrey Lugovoy bügen matbuğat orçaşuın ütkärde. Anda ul üzeneñ ğäyeben kire qağıp, Litvinenkonıñ ülemenä mömkin qatnaşılığı bulğan 3 taraf bar dip belderde.

Eşmäkär Andrey Lugovoy, bügen Mäskäwdä matbuğat wäkilläre aldında çığış yasap, berniçä qatı belderü belän çıqtı. Belgänegezçä Britania Alseksandr Litvinenkonıñ ülemendä anı ğäyepli.

Bügen Andrey Lugovoy üzeneñ ğäyeben kire qağıp, Litvinenko Britaniä küzläw xezmätendä eşli ide, anı Britaniä küzläw xezmätläre üzläre, yäki immigrant Boris Berezovskiy yäki rus mafiäse ütertkän, dide. Lugovoy fikerençä, Litvinenkonıñ ütkän yılnıñ noyäberendä poloniy belän ağulanuı, Mİ6 qatnaşlığınnan başqa ütä almağan.

Ütkän atnada, Britaniä, elleke KGB xezmätkäre, ä xäzer eşmäkär Lugovoyga Litvinenko ülemnä bäyle räweştä räsmi gäypläw belderde. Lugovoy tänendä dä poloniy ezläre tabılğan ide. Ul gäyepne kire qaqtı häm bügenge matbuğat oçraşuında, poloniy 210 belän anı maxsus tamğalağannar, dip belderde.

Rusiä, konstitutsiä röxsät itmi dip, Lugovoynı Britaniägä tapşırudan baş tarta. Andrey Lugovoy, Britaniä anı qorban täqäse itärgä teli, di.

Poloniy 210 belän ağulanğan Litvinenko, ülem xälendä yatqanda, üzeneñ ülemendä Rusiä Prezidentı Vladimir Putinnı ğäyeplägän ide. Kreml bu belderüne nonsens dip atadı.

Lugovoy, Litvinenko da, Berezovkiy da Britaniä küzläw xezmätlärenä eşlägän dip belderä. Litvinenko, eş birüçeläre tarafınnan yuq itelgän bulırğa mömkin, digän faraz belderde Lugovoy: “Angliçannarğa anıñ, minem alda Mİ6-dağı zur keşelär belän tanışlığı, şulay uq Britan küzläw xezmätläre belän xezmättäşlek itüe, Gordeivskiyı häm Kalugin yullınnan baruı, häm anıñ eşen Berezovskiy häm Zakaev däwam itterüe belän maqtanuı oşamıy ide. Litvinenko kontroldän çıqqan ağentqa äylände, dip fuylamaw bik awır, häm alar anı yuq ittelär.”

Andrey Lugovoy, mine Britan küzläw xezmätlärenä yallarğa tırıştılar,miña Rusiä prezidentı Vladimir Putin häm anıñ ğailäse turında mäğlümat tuplarğa täqdim itelde, dip belderde.

Britaniäneñ tışqı eşlär cawaplı oyışması, bu belderülärgä añlatma birep, Litvinenkonıñ üterelüen, şpionlıq eşenän biğräk, kriminal xäl dip atadı.

Boris Berezovskiy da, Lugovoy belderülärenä añlata birde. Azatlıq radiosınıñ rus redaksiäsenä birgän äñgämäsendä, bu süzlärne, Lugovoy üz isemennän tügel, Kreml isemennän söyli, dide ul. Boris Berezovskiy : “Bugen Kremleñ bu cawabı, bu cinyät artında Kreml, Putin şäxsän üze tora digän, Skotland Yardnıñ fikeren rasladı ğına”

Berezovskiy şulay uq, nindi dä bulsa ilneñ, nindi dä bulsa küzläw xezmätendä eşläw ixitmallığın kire qaqtı.

Elekke Sovetlar berlegendä baş tikşerü idäräseneñ xärbi küzläw ofitserı bulğan Boris Volodarskiy da, Lugovoy belderülärenä qarata fikeren citerderde. Ul Mİ6nıñ Luvogoynı Litivenko aşa yallaw ixtmallığı bik tübän buluın äytte : “Britaniä küzläw xezmätlärenä Lugovoynı yallaw nigä kiräk, alarğa, matbuğat oçraşuındağı belderülärennän kürengänçä, bik ük uqımışlı bulmağan, az belgän, tanışlıqları bulmağan, Britan küzläw xezmätlärenä xäbär itärlek mäğlümatı bulmağan, saqçını yallaw nigä kiräk?”

Bikä Timerova
XS
SM
MD
LG