Accessibility links

якшәмбе, 4 декабрь 2016, Казан вакыты 03:02

Rusiä bügen ğäräp telendä


1 iyündä Rusiäneñ möftilär şurasında ğäräp telendä eşli başlağan «Rusiä äl'- yaum» televidenie kanalın täqdim itü buldı. İärçen telekanalları buyınça eşli torğan bu televidenie tapşıruı berençe märtäbä şuşı yılnıñ 4 mayında efirğa çıqtı. Ul kanal atnağa cide kön efirğa çığa häm könenä 20 säğät'lek tapşırular yasıy. Bu tapşırularda bik küp ğäräp illäre jurnalistları da eşli. Alar arasında Mısır, İordaniä, Ğiraq, Yamen, Mavritaniä, Marokko, Fälästin. Siriä, Sudan , Tunis häm başqa illärneñ curnalistları bar. Alar belän bergä Rusiä jurnalistları da tapşırular alıp baraçaq. Ul tapşırularnı 23 ğäräp ile qarıy ala.. Tapşırularda başlıça Rusiäneñ xalıqara mäs'älälär buyınça totqan urını yaqtırtılaçaq, tapşırunı oyıştıruçılar şulay uq, Rusiä xalqınıñ törle fikerläre dä bu tapşırularda urın alaçaq dip belderä. Möftilär şurasında uzğan «Rusiä äl'- yaum» televidenie tapşıruların täqdim itüdä küp törle illärneñ ilçeläre dä qatnaştı. Mäs'älän üzeneñ çığışında Gäräp illäre Ligası ilçese Cuma äl'- Farcani, bezneñ Rusiä belän mönäsäbätlär yaña tarixi borılış kiçerä dip sanıym. Bezneñ öçen bu tapşırular Rusiäneñ säyäsäten, iqtisatın yaqtırtu belän genä tügel, Rusiädä barlıq xalıqnıñ 10% möselman buluı belän dä qızıqlı. Bu mäğlümatlärne min Rusiä prezidentı Putinnan aldım dide, Ğäräp illäre ligası ilçese Cuma äl Fardcani. Yaña televidenie kanalın täqdim itüdä şulay uq Rawil Gaynetdin. İslam sivilizatsiäse institutı direktorı Säit Kämilov, «Ruisya äl'- yaum» telekanalı direktorı Yevgeniy Sidorov ta çığış yasadı. Bez Yevgeniy Sidorovtan ğäräp illärenä kitkän tapşırularda barı tik uınışlar xaqında ğına söylänäçäkme, ällä inde Rusiädäge möselmannarnıñ da xälläre kürsäteläçäkme. Bu taraftan qayber ezärlekläwlärgä dä urın bar bit, dip soradıq. Ul, älbättä bez üzebezneñ programmalar buyınça uñışlarğa, Rusiäneñ başqa illär belän mönäsäbäte, säyäsätenä küp urın biräçäkbez. Läkin bezdä äle tapşırunı qarawçılar belän elemtä dä caylanğan. Ägär dä bu temağa qızıqsınuçılar bulsa, bez anı da yaqtırtaçaqbız, dide. Bu oçraşuda şulay uq «BT» şirkäte direktorı Vladimir Prusakov, Mäskäwneñ «Monetnıy dvorında» altın Qor'än basıluın äytte. Häm 162 bittän torğan ul Qor'änneñ kürgäzmäse 25 iyündä Mäskäwneñ Puşkin muzeyında kürsäteläçäk dide. Häm Vladimir Prusakov, altın Qor'än - äle sigezençe ğasırda basılğan, Piterburda Şäreq intstitutında saqlanğan berençe Qor'ännän töşerelep basılğan. dip xäbär itte.

Şulay itep, Mäskäwdän gäräp illäre öçen «Rusiä äl'- yaum, yäğni «Rusiä bügen» dip atalğan, 23 ğäräp ile qararı mömkinlege bulğan televidenie tapşıruları eşli başladı.

Näzifä Kärimova, Mäskäw

XS
SM
MD
LG