Accessibility links

дүшәмбе, 5 декабрь 2016, Казан вакыты 01:21

Başqortstan wäkillege Törkiägä kitte


Törkiäneñ İstanbul şähärendä 1-3 iyün könnärendä Başqortstan mädäniäte könnäre ütäçäk. Älege möhim çarada qatnaşu öçen, Başqortstannan yözdän artıq keşedän torğan zur wäkillek comğa könne yulğa çıqtı. Wäkillekkä Başqortstan Prezidentı xakimiäte başlığı Radiy Xäbirov belän BR vitse-premyerı, mädäniät häm milli säyäsät ministrı İldus İlişev citäkçelek itä.



Wäkillek eçendä şulay uq BR Tışqı iqtisadıy bäyläneşlär, säwdä häm eşquarlıq ministrı Boris Qolbin, Bötendönya Başqort qorıltayı Başqarma komitetı räise Rumil Aznabaev häm başqa räsmi şäxeslär bar. Mädäniät könnäre barışında Başqortstan sänğät'kärläre dä zur programma belän çığış yasıy. Şuña kürä dä säxnä yoldızları da älege säfärgä baytaq alındı. “Karavansaray”, “Dalan” sänğat törkemnäre, biüçelär ansambl'läre, ayırım cırçılardan Waxit Xıyzıyrov, Flürä Kildiärova häm başqalar bar. Alar İstanbulda 2 iyün könne ütäçäk Sabantuy bäyrämendä dä zur konsert kürsätäçäk. Başqortstan mädäniät häm milli säyäsät ministrlığınıñ mädäni çaralar bülege xezmätkäre Aygöl Karabulatova raslawınça, bıyıl töp mädäni çaralar Sabantuyda ütäçäk.



Älbättä inde, Törkiägä säfär barışında Başqortstannıñ räsmi zatları iqtisadıy häm sotsial' mäs'älälär buyınça eşlekle söyläşülär dä alıp baraçaq. İstanbul şähärendä ike yıl elek Başqortstannıñ daimi wäkilçelege açılğan ide. Anıñ citäkçese Qanşawbi Miziev şuşı waqıt eçendä üzara bağlanışlarnıñ şaqtıy artuı turında belderä. İke yıl eçendä üzara säwdä äyläneşe 2,5 tapqırğa artqan. Bügenge köndä Başqortstanda Törkiäneñ 60 tan artıq şirkäte eşli. Berlektäge şirkätlär eşçänlege dä yaña sulış aldı.



İke arada säyäxätçelek tarmağı da kiñ qolaç ala. Misal öçen, bıltır Başqortstannan 30 meñnän artıq keşe Törkiädä yal itkän. Bıyıl bu san 35 meñnän dä artıp kitäçäk, dip kötelä.



XS
SM
MD
LG