Accessibility links

дүшәмбе, 5 декабрь 2016, Казан вакыты 05:39

Başqortstanda «Berdämlek» xalıqara bäyräme ütäçäk


Başqortstanda bıyıl da «Berdämlek» xalıq icatı xalıqara bäyräme bik qolaçlı ütäçäk. Şul xaqta comğa könne Başqortstan mädäniät häm milli säyäsät ministrlığında uzğan oyıştıru komitetı utırışında äytelde. Soñğı yıllarda daimi oyıştırıluçı bu matur festival' bıyıl 6-13 iyün könnärendä ütäçäk. Respublikanıñ törle şähärlärendä häm rayonnarında bu festival' qısalarında bixisap mädäni çaralar oyıştırılaçaq.



«Berdämlek-2007» xalıqara bäyrämenä bıyıl, Başqortstan talant iälärennän tış, Törkiä, Qazaqstan, Tatarstan, Altay Respublikalarınnan, Udmurtiä, Irınbur, Saratov ölkälärennän yözlärçä ayırım başqaruçılar häm kiñ bilgele sänğät kollektivları kilä.

«Berdämlek» bäyräme barışında fin-uğır xalıqlarınıñ töbäqära festivale dä bula. Şulay uq «Duslıq göllämäse» digän bäyräm çaralarında här millät talantları üz ostalıqların kürsätäçäk.



Xalıq icatı kollektivlarınıñ zur bäyräme Ufada ğala-konsert belän tämamlana. Här yıldağıça, «Berdämlek» bäyrämendä respublikadağı danlıqlı tatar sänğät kollektivları da, ayırım tatar başqaruçıları häm muzıkantları da aktiv qatnaşaçaq.

XS
SM
MD
LG