Accessibility links

пәнҗешәмбе, 8 декабрь 2016, Казан вакыты 17:26

“Ömet” gäziteneñ soñğı sanı möhim mäs''älälär yaqtırtqan


Berençe çiratta qayda-qayçan Sabantuylar buluı turındağı mäğlümat iğtibarğa layıq. Bıyılğı üzençälek – här rayonda berär genä Sabantuy belän çiklänü. Çığarma bulıp Çarlaqlı häm Qarsun rayonnarı tora: ber ük könne - ikeşär awılda. Tatar awılları bulmağan Terenğa häm Radişçev rayonnarı tatarları rayon üzäklärendä bäyräm itäçäklär. Bäyrämnär iyünneñ 2сендә başlana häm 27сендә tämamlana. Ölkä üzägeneke – 16 sında bulaçaq.

“Ömet”neñ tulı ber säxifäse pedagogiä universitetınıñ tatar törkemenä bağışlanğan. Eçtälege – talibälärneñ niçek uquları häm küñel açuları turında. Yazmanıñ maqsatı – isemendä: “Tatar bülege sezne kötä!”.

Bu sanında gäzit ayıruça Dimitrovgrad dip ataluçı Mäläkäs şähärendä yäşäwçe millättäşlärebez tormışına zur iğtibar birgän. Rawil Şäfiğullinnıñ Mäläkäs avtonomiäse räise Rival' İdrisov belän äñgämäse ayıruça ğibrätle. Anda Rival' äfände başqalarğa sabaq bulırday eş täcribäse belän urtaqlaşa.

Mäläkäsneñ tatar mäktäbe xällärenä dä tulı ber säxifä birelgän. Anıñ direktorı Mönirä Djumaeva äytüençä, bıyıl 1-sıynıfqa 35 ğariza birgännär. Ämma bülmälär citmäw säbäple, parallel' sıynıf açu mömkin tügel, konkurs nigezendä saylap alırğa turı kiler. Bıltırğı uqu yılında 190 bala bulsa, bıyıl soñğı qıñğıraw çarasında 226 bala qatnaşqan. Alarnıñ 40 protsentı bik yaxşı häm yaxşı bilgelärenä genä uqıy, 19-ı – gel bişlegä genä. Tatar mäğärif uçağı Ölkä Mäğärif departamentı oyıştırğan attestatsiäne dä uñışlı ütkän. “Kiläçäktä bezneñ mäktäpkä gimnaziä statusın wäğdä itälär”, - di Mönirä xanım.

Mäktäplärgä qağılışlı tağın ber ğibrätle yazma iğtibarğa layıqtır. “Novıye izvestiä” gäzite yazğança, Ul'yan qalası mäktäpläreneñ direktorları ata-analardan balaların soñğı qıñğıraw tantanasınnan soñ öydän çığarmaw turında ışanıç käğäzläre yazdırıp alğannar. Bu çara alarnı faciğädän saqlap qalu maqsatınnan oyıştırılğan ikän. Çönki uzğan yıllarda bäyräm pikniklarında balalarnıñ ülem-kitem oçraqları da bulğalağan.

Ayrat İbrahim, Sember

XS
SM
MD
LG